О́tken jyly oblys bıýdjetinen 2 mıllıard teńgeden astam qarjy artylǵan bolatyn. Oblystyq ekonomıka jáne josparlaý basqarmasy basshysynyń orynbasary Janna Shaımardanova artylǵan qarjynyń eń kóp bóligi, ıaǵnı 822 mıllıon teńge densaýlyq salasyna bólingenin málim etti. Basqarma qyzmetkeri osy qarjydan qanshasy nege baǵyttalatynyn jilikshe shaqty. Mysaly, qalalyq aýrýhana úshin sıfrlyq rentgen júıesi, mobıldik hırýrgııalyq rentgen apparaty osy qarjyǵa alynady, onyń syrtynda dárigerlerdiń biliktiligin kóterý úshin 100 mıllıon teńge qarastyrylǵan. Oblystyq kóz aýrýlary aýrýhanasyna lazerlik apparat pen Uzynkól aýdanyndaǵy aýrýhanaǵa narkoz apparatyn alý, Qashar kentindegi jedel járdemge bir emes eki kólik pen Qamysty aýrýhanasyna jóndeý jumystary da osy qarjynyń moınyna ilindi.
421 mıllıon teńge bilim basqarmasyna tıesili boldy. Bul qarjyǵa negizinen mektepterge jóndeý jumystary júrgizilýmen qatar, bilim oshaqtarynyń materıaldyq-tehnıkalyq bazasy nyǵaıtylatyn bolady. Bıyl jastar jylynda oblystyq jastar saıasaty basqarmasyna da qarjy bólindi. Oǵan kóptegen jobalar júzege asyrylady.
Osy qarjydan Oblystyq energetıka jáne kommýnaldyq sharýashylyq basqarmasyna da úles tıdi. 400 mıllıon teńge Arqalyq qalasy úshin mazýt alýǵa bólindi. Máslıhattyń kezekten tys sessııasyna qatysqan oblys ákimi Arhımed Muhambetov bul qarjy osy jylytý maýsymyna ǵana emes, aldaǵy qysqa da jetýi tıis ekenin eskertti. Depýttatar sheshimdi bir aýyzdan qoldady.
Názıra JÁRIMBET,
Egemen Qazaqstan
Qostanaı
