Stýdenttik uıymdardyń kóshbasshylary men jas ǵalymdardy, kásipkerler men eriktilerdi bir alańda jınaǵan aıtýly forýmǵa QazUÝ-dyń 2 myńǵa tarta belsendi shákirt qatysty. Olar Jastar jylynda elimizdiń ǵylym salasyn damytýǵa naqty isterimen úles qosýdy kózdeıtinderin aıtady. Elbasy aıtqan barlyq negizgi baǵyttardy jolǵa qoıý úshin ýaqytty tıimdi paıdalaný, talmaı eńbektený, ǵylym men ınnovasııaǵa den qoıý el erteńi sanalatyn jańa býynnyń basty ustanymy bolýǵa tıis dep esepteıdi. Talqylaýdyń basty baǵyty bilim ekonomıkasyn qurýǵa jastardy qatystyrý joldaryn tabýǵa arnaldy.
Forýmdy ashqan ál-Farabı atyndaǵy QazUÝ rektory Ǵalymqaıyr Mutanov: «Táýelsizdik jyldarynda Qazaqstanda jańa formasııanyń jas tolqyny ósti. El Prezıdenti men memleket onyń qalyptasýyna jáne damýyna kóp úles qosty. Memleket táýelsizdigin nyǵaıtýdyń jaýapkershiligi men ıntellektýaldy ult qalyptastyrý jáne álemdik deńgeıde ultymyzdyń básekege qabilettiligin arttyrýda jastarǵa asa zor jaýapkershilik pen úlken úmit júkteledi», – deıdi.
Jas zııatkerler ózderine júktelgen mindetterdi oryndaýǵa qandaı úles qosa alatyndary jaıly óz oılaryn ortaǵa saldy. Sondaı-aq olar 4.0 ındýstrııasyn qurýǵa baǵyttalǵan jeke ıdeıalary men ınnovasııalyq jobalaryn usynyp, startaptardy iske asyrý tájirıbelerimen bólisti.
QazUÝ-lyq tálimgerler forým jumysynyń qorytyndysy retinde «Jastardyń shyǵarmashylyǵy men kúsh jigeri – eldiń ınnovasııalyq damýy úshin» ulttyq jastar qozǵalysyn quryp, tutas el jastaryn osy bastamaǵa ún qosýǵa shaqyrdy. Olar zamandastaryn boıdaǵy bilimi men qabiletin, kreatıvti ıdeıalaryn, elge paıdasy tıetin tyń jobalardy júzege asyrý jolyna jumsaýǵa shaqyrdy.
«Qazaqstan Jastar jylyna aıaq basty, bul – Elbasynyń el bolashaǵy jas urpaqqa degen úlken ári erekshe qamqorlyǵynyń kórinisi. Memleket biz úshin bir nárse jasap beredi dep kútip otyrýdyń esh qajeti joq. «Men elim úshin ne isteı alamyn?» degen suraqty árbir adam ózine qoıýy tıis», – delingen úndeýde.
Belsendi shákirtter, jyl saıyn elimizde JOO qabyrǵasyn 200 myńǵa jýyq túlektiń bitirip shyǵatynyn, olar qajetti quzirettilikke qol jetkizgen soń jumyssyzdardyń qataryn emes, ózderi jumys oryndaryn qura alatyn saýatty maman bolýy tıis dep sanaıdy. Elbasy aıtqandaı, Qazaqstanǵa ǵylym men ınnovasııany kóteretin jáne 4.0. ındýstrııany quratyn kreatıvti urpaq kerek. Tek sol kezde ǵana eldiń jahandyq tehnologııalar trendine saı damýyn jáne álemdik keńistiktegi básekege qabilettiligin qamtamasyz ete alamyz. Jastardy bilim ekonomıkasyn damytýǵa tartý – jańa ıdeıalardy anyqtaýǵa jáne qoldaýǵa baǵyttalǵan biregeı alań qurýǵa yqpal etetindigi qujatta basa aıtylǵan.
Intellektýaldy-shyǵarmashylyq áleýetti yntalandyrý maqsatynda jáne talantty jastardy anyqtaý úshin ýnıversıtet qabyrǵasynda 6 jyldan beri «Meniń Qazaqstannyń ınnovasııalyq damýyna qosqan naqty úlesim» úzdik jas ǵalym, úzdik stýdenttik startapqa, «О́z elimniń gúldenýi úshin men ne isteı alamyn?» atty úzdik esse men poetıkalyq shyǵarmaǵa, «Máńgilik el – meniń muratym» úzdik patrıottyq ánderge arnalǵan baıqaýlar jobasy júzege asyrylyp keledi.
Stýdentter Ulttyq jastar qozǵalysyn qalyptastyrý maqsatyndaǵy atalmysh tájirıbe negizinde «Jastardyń shyǵarmashylyǵy men kúsh jigeri – elimizdiń ınnovasııalyq damýy úshin» uranymen joǵaryda atalǵan baıqaýlardy respýblıkanyń barlyq jastary arasynda jyl saıyn ótkizý tájirıbesin qarastyrýdy usyndy.
«Eger bul jobaǵa árbir ýnıversıtet, kásiporyn jáne aımaq qosylsa, onda ınnovasııalyq jastar qozǵalysy shyn máninde qanat jaıyp, bilim ekonomıkasynyń damýyna zor yqpal etetin yntalandyrýshy kúsh bolady. Biz jastardyń eń úzdik bastamalary memlekettik uıymdardyń barlyq deńgeıindegi tıisti resýrstardan qoldaý tabady dep senemiz! Osyǵan oraı Biz úlken yntamen Prezıdenttiń tapsyrmasyn qolǵa ala otyryp, talantty jastardyń ıdeıalary men startaptaryna kómek kórsetý maqsatynda arnaıy grant tabystaıtyn bıznes-qurylymdarǵa usynys tastaımyz. Bizdiń usynysymyz keń kólemde júzege asyrylar bolsa, qolaıly ınnovasııalyq orta qalyptastyrýǵa ári jastardyń kúsh jigeri men shyǵarmashylyǵynyń jasampaz kúshke aınalýyna múmkindik beredi», - deıdi QazUÝ stýdentteri.
Arman OKTIаBR,
«Egemen Qazaqstan»
ALMATY
