Qarmaqshy aýdanynyń halqy kúrish daqylynan basqa da maıly daqyldardy, onyń ishinde soıany ósirýge den qoıyp otyr.
"Bul sýdy az talap etetin jáne naryqta suranysqa ıe bolyp otyrǵan daqyldardyń biri. Bıyl biz «Turmaǵambet» JShS-i negizinde osy daqyldy egýdi bastaımyz", - dedi S.Maqashov.
Qarmaqshy aýdany - aýylsharýashylyǵyna negizdelgen aımaq. Jaǵdaıǵa oraı, ótken jyldarmen salystyrǵanda sýdy kóp qajet etetin kúrish kólemi 359 gektarǵa azaıtyldy. Al, jazdyq bıdaı 8 gektarǵa, baqsha 4 gektarǵa, kókónis 100 gektarǵa, maqsary 362 gektarǵa kóbeıdi. Kúrishtiń «Torom Hoshemı» ırandyq sortyn «Aqtóbe ı K» JShS 300 gektarǵa jetkizdi.
Aýylsharýashylyǵy ónimderin óńdeý maqsatynda «Jańajol» seriktestiginiń quny 65,0 mln teńge bolatyn qýattylyǵy saǵatyna 5 tonna kúrish aqtaıtyn óńdeý zaýyty iske qosyldy. Oǵan qosymsha joba quny 40 mln teńge bolatyn astyq saqtaıtyn qoıma qurylysy salynyp, paıdalanýǵa berildi.
Baqtııar TAIJAN,
«Egemen Qazaqstan»
QYZYLORDA OBLYSY
