«Jas Otan» Jastar qanatynyń belsendileri uıymdastyrǵan sán kórsetilimi qaıyrymdylyq aýksıonmen aıaqtaldy. Kesh sońynda sharaǵa jınalǵan qonaqtar ózderine unaǵan bes kıim úlgisin satyp aldy. Al aýksıonnan jınalǵan 120 myń teńge pavlodarlyq 2 jastaǵy Ábish Aıshanyń emine berildi.
Pavlodar oblysyna issaparmen kelgen «Jas Otan» Jastar qanatynyń tóraǵasy Danııar Súndetbaev óńirdiń jastarymen kezdesip, joba avtorlaryn quttyqtady.
Byltyr «Jas Otannyń» IV Sezinde ulttyq biregeılikti saqtaý úshin jastar arasynda kıim-keshektegi ulttyq kıim elementteriniń paıdalanylýyn dáripteýge yqpal etý men ulttyq kıim kııý modasyn qalyptastyrý týraly aıtqan edik. Mine, osy bastamany birinshi bolyp pavlodarlyq jastar qoldady. Elbasynyń jeńil ónerkásip – kıim ındýstrııasyn qolǵa alý týraly ıdeıasyn da osy jastar iske asyryp bastady. Biz árdaıym talantty jastarǵa kómek berýge daıynbyz, - dedi Danııar Súndetbaev.
Belsendiler óz kezeginde Elbasynyń Jastar jylynyń ashylý saltanatynda málimdegen bastamalaryna qatysty oılarymen bólisti. Jyl basyn osyndaı ıgi ispen bastaǵan pavlodarlyq jastar Elbasy aıtqan jeńil ónerkásipti damytýǵa daıyn ekendigin jetkizdi.
