Mádenıet salasyndaǵy memlekettik stıpendııa jyl saıyn qurmetti ataqtar men memlekettik nagradalarǵa ıe bolǵan shyǵarmashylyq maıtalmandaryn, mádenıet qaıratkerlerin, sondaı-aq Qazaqstan rýhanııatyn qalyptastyrýǵa, saqtaýǵa jáne damytýǵa qosqan úlesi úshin aıyryqsha daryndy jastardy memlekettik turǵyda qoldaý maqsatynda berilip keledi. Dostyq Úıiniń dóńgelek ústeli basyndaǵy saltanatty jıyndy Mádenıet jáne sport mınıstri Arystanbek Muhamedıuly ashyp, sóz kezegin G.Ábdiqalyqovaǵa usyndy. Memlekettik hatshy Qazaqstannyń tuńǵysh Prezıdenti – Elbasynyń mádenıet salasyndaǵy memlekettik stıpendııasy ıegerlerin quttyqtap, 2018 jylǵy stıpendııaǵa ıe bolǵandardyń kórsetkishimen tanystyrdy. Atap aıtqanda, 20 men 35 aralyǵyndaǵy jastar – 0,4 paıyz, 35 pen 50 ishindegi orta býyn – 0,5 paıyz, 55-75 arasyndaǵy kemeline kelgen tolqyn – 18,6, al 75-ten asqan aǵa býyn ókilderi – 61 paıyzdy qurap otyr.
«О́tken jyl elimiz úshin erekshe kezeń boldy. Elimizde úshinshi jańǵyrý úderisteri jalǵasyn tapty. Ekonomıkalyq ózgerister, saıası reformalar jáne rýhanı jańǵyrý damýdyń basty baǵyttary retinde ilgerileı tústi. Táýelsiz Qazaqstannyń sımvoly jáne jarqyn jetistigi Astananyń 20 jyldyǵy atap ótildi. Bas qalamyzdyń mereıtoıy aıasynda barlyq óńirde 5300-den astam mádenı-kópshilik, sporttyq, qaıyrymdylyq jáne ózge de is-sharalar ótkizildi. Ár óńirdegi olardyń ortasha sany 400-den asty. Búginde Elordamyz saıası, ekonomıkalyq, mádenı jáne ǵylymı ortalyq retinde álemge tanymal» dedi G.Ábdiqalyqova.
Memlekettik hatshy byltyrǵy jyly óner men mádenıetten kórinis tapqan eleýli jetistikterdi tııanaqty atap ótti jáne búgingi tańda elde jasalyp jatqan «Rýhanı jańǵyrý» jobasynyń damýǵa jol ashatyn mańyzdy tetikterine jan-jaqty toqtaldy. Elbasy Jarlyǵymen latyn grafıkasyna negizdelgen qazaq tili álipbıi bekitildi. Úkimet janyndaǵy arnaýly oqý komıssııasynyń qazaq álipbıin 2025 jylǵa deıin qoǵamdyq ómirdiń barlyq salasyna kezeń-kezeńimen qoldaný jóninde júıeli jumys júrgizip otyr. Qoǵamdyq ómirdiń túrli salalarynda joǵarǵy jetistikke jetken Qazaqstannyń 100 jańa tulǵasynyń tańdalyp alynǵanyn, júzege asyrylyp jatqan ár túrli memlekettik jobalar negizinde aldaǵy ýaqytta taǵy da tulǵalardyń daralanyp shyǵatyny eldiń rýhanı kapıtaly men áleýetin odan ary arttyra túspek. «Rýhanı jańǵyrý» baǵdarlamasynyń «Týǵan jer» jobasy aıasynda da ár óńirde demeýshiler esebinen 300-den astam áleýmettik nysandar salynǵan. 200-ge jýyq áleýmettik ınfraqurylym nysany qaıta jóndeýden ótkizilgen. О́lketaný jumysyn keń qamtıtyn bul joba áli de jalǵasyn taba bermek.
G.Ábdiqalyqova «Jahandaǵy zamanaýı qazaqstandyq mádenıet» jobasy sheńberinde ádebıet, teatr, kıno, dástúrli, klassıkalyq mýzyka, beıneleý óneri syndy tórt baǵyt boıynsha birqatar jumystardyń tolassyz atqarylyp kele jatqanyn jetkizdi. Mysaly, ádebıet baǵyty boıynsha tájirıbesi bar, ozyq sheteldik strategııalyq seriktesterdi tarta otyryp, «Qazirgi zamanǵy qazaqstandyq proza», «Qazirgi zamanǵy qazaqstandyq poezııa» antologııalary BUU-nyń resmı alty tiline sapaly aýdarylyp, dúnıejúzi oqyrmanyna jol tartatyny – rýhanııat salasyndaǵy iri jetistik. «Qazaqstannyń kıeli geografııasy» jobasy sheńberinde de 185 makro kıeli nysannyń, 456 mıkro kıeli nysannyń tizimge enýi mádenıet pen ǵylymnyń mańyzdy isterin túgendeýdegi ıgi qadam.
Stıpendııaǵa ıe bolǵandar qatarynda Asanáli Áshimov, Sábıt Orazbaev, Núketaı Myshpaeva, Torǵyn Tasybekova, Baıan Imasheva, Esmuhan Obaev, Chapaı Zulqashev, Qabdesh Jumadilov Iran-Ǵaıyp Orazbaev, Myńbaı Rásh, Nurtas Isabaev, Eskendir Hasanǵalıev, Sara Tynyshtyǵulova, Gúlvıra Razıeva, Ashat Maemırov, Arman Júdebaev, Erkebulan Daıyrov, Aıan О́tepbergen jáne ózge de maıtalmandar men jas daryndar bar.
Dástúrli ótetin basqosý barysynda Memlekettik hatshy rýhanııattyń kóshin alǵa súırep kele jatqan aǵa býyn men jastardyń lebizin, usynys-tilekterin tyńdap, olardyń Qazaqstan mádenıetin odan ary damytýǵa úles qosa beretinine senim bildirdi.
Aıgúl AHANBAIQYZY,
«Egemen Qazaqstan»
ALMATY
