25 Qańtar, 2019

Oralda úı-kúısiz jandarǵa «sarqyt» berildi

419 retkórsetildi

Oral qalasynda belgili turaǵy joq jandarǵa bul kúni tańǵy as meıramhana mázirinen buıyrdy. Shahardaǵy osyndaı adamdarǵa arnalǵan beıimdeý ortalyǵyna Qazaqstan halqy Assambleıasy ókilderi kelip, 40 adamǵa tegin as taratty.

Bul shara Qazaqstan halqy Assambleıasynyń bıyldan bastap qolǵa alǵan «Uly dala dástúrlerine» negizdelgen qaıyrymdylyq aıasynda uıymdastyrylǵan. Batys Qazaqstan oblysy QHA «Qoǵamdyq kelisim» KMM basshysy Medhat Qambetovtyń aıtýynsha, Assambleıa bıyl qazaq halqynyń ıgi dástúrleri negizinde «Sarqyt», «Sybaǵa», «Shashý», «Asar», «Qamqor», «Toqymqaǵar», «Erýlik», «Jylý», «Kórimdik», «Bata», «Bes jaqsy», «Káde» ataýlarymen jyl sońyna deıin qaıyrymdylyq sharalaryn ótkizedi.

- Bizdiń bastamamyzǵa qaladaǵy birneshe meıramhana ún qosyp, qoldaý bildirdi. Qazir qystyń kezi, tún sýyq. Bul jerde belgili turaǵy joq jandardyń bassaýǵalap, qonyp ketýine jaǵdaı jasalǵan. Taǵdyr tálkegine túsken bul kisilerge barynsha kómek kórsetý, janashyr bolý – halqymyzdyń ejelden kele jatqan qaıyrymdylyq dástúri ǵoı, - deıdi BQO QHA «Qoǵamdyq kelisim» KMM basshysy Medhat Qambetov.

Aksııanyń ataýy da «Sarqyt» dep óte sátti qoıylypty. Meıramhana kóbinese ulan-asyr toı-dýman ótetin jer bolsa, osy toıdan muqtaj jandarǵa sarqyt taratý – ǵasyrlardan kele jatqan qazaqy dástúrdiń zamanaýı kórinisi sekildi.

- Bizdiń Áleýmettik beıimdeý ortalyǵynyń turaqty bóliminde qazir 60 adam turyp jatyr. Olarǵa zańgerlik, dárigerlik jáne psıhologııalyq kómek kórsetý, qujattaryn retteý, zeınetaqy taǵaıyndaý, jumysqa ornalastyrý máselelerimen aınalysamyz. Buǵan qosa 40 adamǵa arnalǵan túnemelik orynǵa kún saıyn keshki 18.00.-den tańǵy 10.00.-ǵa deıin qonyp ketý úshin qaladaǵy qańǵybas-kezbeler jınalady. «Sarqyt» osy topqa arnalǵan, - deıdi ortalyqtyń bólim basshysy Nurhat Jaılaýov.

Qazbek QUTTYMURATULY,

«Egemen Qazaqstan»

Batys Qazaqstan

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar