Kezdesý barysynda shveısarııalyq Mınıstr qazaq-shveısar qatynastarynyń deńgeıin jáne eki el arasyndaǵy ekonomıkalyq yntymaqtastyq damýyn joǵary baǵalady. Shveısarııa Qazaqstan ekonomıkasynyń eń iri ınvestorlarynyń biri ekeni málim. 2018 jyl qorytyndylary boıynsha qazaq-shveısar taýar aınalymynyń kórsetkishi 2,5 mlrd. dollardan asty. Otandyq naryqta 40-qa jýyqtaǵan shveısarııalyq kompanııalar, onyń ishinde qarjy ınstıtýttary, hımııa-farmasevtıkalyq jáne qurylys konsernderi bar.
О́z kezeginde E. Dosaev, «Beldeý men jol» bastamasy men «Nurly Jol» memlekettik baǵdarlamasy sheńberindegi ınfraqurylymdyq jobalardyń júzege asyrylý barysymen jáne Mańǵystaý oblysynyń kóliktik-logıstıkalyq áleýetimen tanystyrýdy qamtyǵan, 2018 jylǵy shildede shveısarııalyq delegasııanyń Qazaqstanǵa jasaǵan sapary barysynda qol jetkizilgen ýaǵdalastyqtar aıasynda saýda-ekonomıkalyq áriptestiktiń belsendeýine degen úmitin bildirdi. Premer-Mınıstrdiń Orynbasary shveısarııalyq kompanııalardy «Nurly Jol» sheńberindegi jobalardy iske asyrýǵa shaqyryp, Qazaqstanda ınvestorlar úshin usynylatyn salyqtyq jeńildikterdiń keń jıyntyǵyn atap ótti.
G. Parmelen Shveısarııa tarapynyń qazaq-shveısar yntymaqtastyǵynyń, sonyń ishinde ekijaqty kelisimsharttyq negizdi keńeıtý arqyly nyǵaıýyna degen joǵary qyzyǵýshylyǵyn rastady. Mınıstr Asyl metalldardan jasalǵan ónimderdegi resmı tańbalardy ózara moıyndaý týraly kelisim men Qyzmetter saýdasy týraly kelisim jobalary jónindegi kelissózderdegi edáýir progresti ataı kele, atalǵan qujattarǵa qol qoıý ózara saýda aınalymy men Qazaqstannyń qyzmetter sektoryna shveısarııalyq kompanııalar tarapynan ınvestısııalardy arttyrýǵa múmkindik beretinin aıtyp ótti.
Osy rette, suhbat barysynda taraptar 2019 jyly josparlanǵan Qazaq-shveısar saýda-ekonomıkalyq komıssııasynyń kezekti otyrysynyń máselelerin talqylady.
Sondaı-aq, Premer-Mınıstriniń Orynbasary E. Dosaev bastaǵan qazaq delegasııasynyń 22-23 qańtarda Shveısarııaǵa jasaǵan jumys sapary sheńberinde DEF-tyń resmı, ǵylymı, qarjy jáne kommersııalyq ortalarynan birqatar qatysýshylarymen kezdesýler ótkizdi.
