Meıirger isi mamandaryn daıarlaýdy jetildirý, meıirgerlerdiń rólin kúsheıtý, olarǵa birqatar ókilettikter berý, halyqaralyq standarttarǵa baǵyttalǵan meıirgerlik qyzmettegi mamandardy daıarlaýǵa qoıylatyn talaptardy arttyrýǵa baılanysty ótken oqý-ádistemelik birlestik otyrysynyń jumysyna QR Densaýlyq saqtaý mınıstriniń keńesshisi Sáýle Sydykova, QR DSM Densaýlyq saqtaýdy damytý respýblıkalyq ortalyǵynyń medısınalyq bilim berýdi damytý bóliminiń basshysy Zaýre Baıǵojına, «Kásipqor» Holdıngi ÚEAQ Janat Dalabaev, Almaty qalasynyń meıirgerler qaýymdastyǵynyń ókilderi, sondaı-aq medısınalyq kolledjder basshylary qatysty.
Respýblıkalyq joǵary medısınalyq kolledjiniń dırektory Naılıa Rýzdenovanyń aıtýynsha, 2014 jyldan bastap medısınalyq bilimdi jetildirýge arnalǵan fındik júıe engizilip, stýdentter jańa oqý júıesiniń negizinde bilim alýda. Buǵan deıin stýdentter tehnıkalyq jáne kásiptik bilim berý uıymdaryna arnalǵan jalpyǵa mindetti bilim berý standartyna sáıkes oqytylǵan. Áleýmettik, ekonomıkalyq, gýmanıtarlyq baǵyttarǵa basymdyq berilgen. Al stýdentterdiń tájirıbelik baǵyty oqý ýaqytynyń 40 paıyzyn ǵana quraıtyn. Qoldanbaly bakalavr júıesiniń negizgi maqsaty – tájirıbelik jaǵyna basa nazar aýdarylyp, oqý ýaqytynyń 50 paıyzyn qurady. Qoldanbaly bakalavr daıyndaý merzimi — 3,5 jyl. О́tken jyly 312 maman qoldanbaly bakalavr deńgeıinde bilim alǵan.
Elvıra SERIKQYZY,
«Eqemen Qazaqstan»
ALMATY
