О́ńirde jyl saıyn turǵyndardyń 14 paıyzy ıaǵnı, 120-130 myń adam tekserýden ótedi eken. Ár adam óziniń AITV-statýsyn anyqtaı alady. Mundaı shara arqyly dertti der ýaqytynda emdeýge jol ashylady.
Oblys ortalyǵyndaǵy Bekturov kóshesi, 50-úıde ornalasqan oblystyq juqtyrylǵan ımmýnıtet tapshylyǵy sındromynyń aldyn alý jáne kúresý jónindegi ortalyǵynda test tapsyrýǵa bolady.
AITV juqpasyn juqtyrǵandardyń ishinde 485-i - JITS (juqpaly ımmýnıtet tapshylyǵynyń sındromy) dertimen aýyratyndar da bar.
Jalpy, bizdiń óńirde 757 myń adamnyń ishinde AITV juqpasynyń 2890 jaǵdaıy tirkelgen. Iаǵnı,óńirdegi adam sanynyń azdyǵyna baılanysty kórsetkish te joǵary kórinedi.
Ortalyq mamandarynyń aıtýynsha, bul dert jynystyq qarym-qatynas kezinde juǵady.
Dıspanserlik esepte turǵan adamdardyń 80 paıyzy em sharalaryn qabyldaýda. AITV juqpasy qan arqyly, jynystyq qatynas kezinde jáne anadan-balaǵa beriledi. Adam belgilengen ýaqytta, belgili mólsherde dári qabyldasa, ózgelerge juqtyrý qaýpi tómendeıdi. Emdelýshilerdiń arasynda jastar da, eresekter de bar.
Pavlodar, Ekibastuz, Aqsý qalalarynda arnaıy senim pýnktteri bar kóshpeli kólikter jumys isteıdi. Medbıkeler turǵyndar arasynda adam saýsaǵy arqyly ekspress-test alyp, tekserý júrgizedi. Sońǵy ýaqytta silekeı arqyly test alý ádisteri de shyqty.
Saqtansa-saqtaıdy. Sonydqtan indettiń aldyn alý baǵytynda túrli sharalar da ótkiziledi.
Farıda BYQAI,
«Egemen Qazaqstan»
PAVLODAR
