Osy tektes mindetterdi sheshý úshin holdıng jastar bastamalaryn iske asyrýǵa baǵyttalǵan birqatar jobany júzege asyrýda. Bul - Memleket basshysy Nursultan Nazarbaevtyń Jastar jylynyń saltanatty ashylýynda qoıǵan mindetterine sáıkes keledi.
Máselen, «Damý» qory arqyly jastar kásipkerligine qoldaý kórsetiledi. «Eńbek» nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan baǵdarlamasy boıynsha mıkro jáne shaǵyn bıznes sektoryndaǵy bastaýshy kásipkerlerge ınvestısııalaýǵa bes jylǵa deıingi merzimmen 6 paıyzdan aspaıtyn mólsherlememen, jeńil sharttarmen 8 myń AEK-ke deıin nesıe beriledi. Sonymen qatar, baǵdarlama qatysýshylary qaryz somasynyń 85 paıyzyna deıin kepildik alý múmkindigine ıe.
2018 jyly iske qosylǵan Kraýdfandıng qyzmeti - jobany ujymdyq qarjylandyrý tásili. Onda ónim nemese qyzmet jasaý úshin aqsha tutynýshylardan túsedi. Qor jańadan is bataǵan kásipkerlerge qujat tapsyrý, Starttime.kz kraýdfandın tuǵyrnamasynda túrli memlekettik granttar alýǵa ótinimder berý jáne basqa da jumystarǵa konsýltasııalyq-praktıkalyq qoldaý kórsetedi.
Sonymen qatar, «Damý» qory jergilikti atqarýshy organdarmen birigip, bastaýshy kásipkerlerge arnalǵan aımaqtyq baǵdarlamalardy júzege asyrady. Mysaly, «Astana ZhastStart» jáne «Aqtóbe ZhasStart» baǵdarlamalary 29 jasqa deıingi jastarǵa arnalǵan. Olar arqyly beriletin nesıe somasy 20 mln. teńgeden, paıyzdyq mólsherlemesi – 8,5% aspaıdy. «Astana Start Up» bastaýshy kásipkerlerge 7,9% mólsherlemesi boıynsha 50 mln teńgeden aspaıtyn qaryz somasyna deıin qoldaýdy kózdeıdi. Basqa bastamalar qatarynda «Nur Kapıtal» (Mańǵystaý oblysy), «Qos qoldaý» (Qostanaı oblysy), «Damý Aqjaıyq» (Batys Qazaqstan oblysy), «Altyn Keme» (Atyraý oblysy), «Jibek Joly» (Almaty) jáne basqa baǵdarlamalardy atap ótkim keledi.
Qoldaýdyń taǵy bir baǵyty - «Qazaqstannyń turǵyn úı qurylys jınaq banki» AQ arqyly júrgiziledi. Ondaǵy maqsat – jas azamattardy turǵyn úımen qamtamasyz etý. Qazir bul joba «Almaty jastary» baǵdarlamasy sheńberinde júzege asyrylýda.
Osy baǵdarlamany iske asyrý úshin Almaty qalasynyń ákimdigi men QTQJB arasynda kelisim jasaldy, aldyn ala jáne aralyq turǵyn úı qaryzdaryn berý úshin bankke bıýdjettik nesıe bólindi, onyń jalpy somasy –3 mlrd. teńge. Baǵdarlamaǵa qatysýshylarǵa erli-zaıyptynyń jasy 35 jasqa deıin bolýy, Almatyda kem degende bir jyl turaqty tirkeýde turýy, otbasynyń jeke baspanasynyń bolmaýy, Almatyda keminde alty aı jumys ótili, qosymsha kepildik nemese QTQJB-da turǵyn úı qurylysy jınaqtarynyń bolýy syndy talaptar qoıylady. Nesıeniń jyldyq mólsherlemesi – 5 paıyz, merzimi – 9 jylǵa deıin.
Holdıngtiń taǵy bir enshiles uıymy - Qazaqstannyń Damý Banki «Taiburyl» qoǵamdyq birlestigimen birlesip «Kerek Adam» áleýmettik bilim berý jobasyn iske asyrýda. Joba sheńberinde orta arnaıy jáne joǵary oqý oryndarynyń 3-4 kýrs stýdentteri men 2015-2018 jylǵy túlekteri elimizdiń iri kásiporyndarynda aqysy tólenetin taǵylymdamadan ótedi.
Jalpy, «Báıterek» holdıngi jastardy qoldaýdyń qarjylyq jáne konsýltasııalyq quraldarynan bólek, kadrlyq saıasatty da qolǵa alyp otyr. Búginde holdıng qyzmetkerleriniń 17 paıyzy – 29 jasqa deıingi jas mamandar.
Aıdar ÁRIPHANOV,
«Báıterek» ulttyq basqarýshy holdıngi» AQ Basqarma tóraǵasy
