«2019 jyldan bastap dzıýdodan Qazaqstan áıelder quramasyn bas bapker retinde Erlan Serikuly Alpysbaev baptaıdy. Al 2018-2019 jyldary bas bapker qyzmetin atqarǵan Marat Danaıbaev áıelder qurama komandasynyń aǵa jattyqtyrýshysy qyzmetin atqarady», delingen habarlamada.
Erlan Alpysbaev – dzıýdodan biliktiligi joǵary deńgeıdegi joǵary sanatty jattyqtyrýshy. 2017 jyldan beri Qazaqstan jastar qyzdar quramasynyń tizginin ustaǵan. 2017-2019 jyldar aralyǵynda Erlan Alpysbaevtyń shákirtteri Álem chempıonatynan 1 kúmis, Azııa chempıonatynan 4 altyn, 5 kúmis, 7 qola medalǵa qol jetkizgen. 2011-2017 jyldar aralyǵynda Qazaqstaan jasóspirimder komandasynyń bapkeri, al oǵan deıin Almaty qalasyndaǵy K. Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjinde trener qyzmetin atqarǵan.
