Ádebıet bólmesiniń dál osy mektepte ashylýy kezdeısoqtyq emes. О́ıtkeni, bul jerde jyl saıyn «Qasym oqýlary» atty aqyndar músháırasy ótip turady. Budan bólek, bıyl atalǵan gımnazııanyń oqý baǵdarlamasyna «Qasymtaný» kýrsy engizilgen.
«Qasymtaný» bólmesiniń ashylý saltanynda aqyn Serik Aqsuńqaruly quttyqtaý sóz sóıledi.
– Qaraǵandy – Qasymnyń týǵan ólkesi, ol osynda dúnıege kelgen. Munda, qazaq gımnazııasynda, onyń týǵan jerinde «Qasymtaný» bólmesin ashý – aıtýly oqıǵa. Biz buǵan óte qýanyshtymyz. Keleshekte bul jerden elin súıetin naǵyz patrıottar tárbıelenip shyǵady dep oılaımyn, – dedi aqyn.
«Qasymtaný» bólmesi oqýshylardy kitap oqýǵa baýlyp, olarǵa jerles aqynnyń shyǵarmashylyǵy týraly jan-jaqty málimet berý maqsatynda ashylǵan.
Qaırat ÁBILDA,
«Egemen Qazaqstan»
Qaraǵandy
