Erteń, 26 qańtar Dúnıejúzilik jatyr moıny obyryna qarsy kúres kúni. Osyǵan oraı Astanada Manas kóshesi №17 meken-jaıynda Onkologııa ortalyǵynyń bazasynda onkogınekologtar, sıtologtardyń qatysýymen onkologııalyq aýrýlardyń profılaktıkasy boıynsha jáne dertti erte kezeńinde anyqtaý maqsatynda Ashyq esik kúni ótedi. Bul jaıynda «JMO profılaktıkasy, skrınıng, adam papıllomasy vırýsyna qarsy vaksınasııa» taqyrybynda bolǵan baspasóz konferensııasynda aıtyldy.
2018 jyldyń qorytyndysy boıynsha Astana qalasynda jatyr moıny qaterli isigimen 490 áıel esepke alynǵan. Aıta ketken jón, onkoaýrýlarǵa shaldyǵýdyń statıstıkasyna zer salǵanda áıelderdiń jatyr moınynyń qaterli isigi úshinshi orynda tur. 2017 jyly osy derttiń tyrnaǵyna ilingender sany 436 bolǵan eken, ıaǵnı ótken jylmen salystyrǵanda aýrýdyń óskeni baıqalyp, ólim-jitim 100 myń halyqqa shaqqanda 2,5-ten 2,7 deıin artyp otyr.
Jyl saıyn 80-nen (8,2) astam áıel jatyr moıny obyrymen aýyryp, 29 áıel (2,7) qaıtys bolatynyn aıtqan mamandar, qaterli derttiń aldyn alý maqsatynda erteń, 26 qańtarda elordalyq qyz-kelinshekterdi Manas 17, Onkologııalyq dıspanserde Ashyq esik kúni kelip tekserilip ketýge shaqyratynyn jetkizdi.
Anar TО́LEÝHANQYZY
