Jyl basynan beri polıseılerge úı tonaý men mal urlyǵyna qatysty shaǵymdanýshylar legi artqan kórinedi. Obaly ne kerek, tártip saqshylary tarapynan jedel áreket jasalyp jatyr. Olar jańa jyldan beri sýyq júris pen urlyqty kásip etken birneshe qylmystyq topty áshkerelegen. Sondaı-aq, barymtaǵa ketken maldyń basy tabylyp, ıesine qaıtarylǵany jaıyl da jaǵymdy habar bar.
Jaqynda Ile aýdany Qaraoı aýylynyń turǵyny qorasyndaǵy 13 bas jylqynyń qoldy bolǵanyn aıtyp, ishki ister bólimine shaǵymdanǵan eken. Iz kesýshiler jedel qımyldap, kúdiktini tapty. Ol 47 jastaǵy sol aýyldyń turǵyny bolyp shyqty. Uzamaı joǵalǵan jylqynyń izi shyǵyp, kórshi oblys aýmaǵyna asyp ketken 13 bas jylqy din aman qalpy keri qaıtaryldy.
- 16 qańtarda Qaroı aýylynyń turǵyny Ile aýdandyq ishki ister basqarmasyna 13 bas jylqysynyń urlanǵanyn aıtyp, 3 mıllıon 250 myń teńge shyǵyn shekkeni jaıynda aryz bergen bolatyn. Polısııa tarapynan jedel áreket jasalyp, 20 qańtarda kúdiktini ustadyq. Joǵalǵan jylqy tabyldy. Qazir ol adamnyń ústinen tergeý bastalyp, basqa da mal urlyǵyna qatysy bar-joǵy tekserilýde, - deıdi Almaty oblystyq IID baspasóz qyzmetiniń ókili Kóbeıhan Nurahmet.
Qalmahanbet MUQAMETQALI,
«Egemen Qazaqstan»
Almaty oblysy
