Ákimniń aıtýynsha, aýyldyq aýmaqta 8 myńnan astam turǵyn bar. Byltyr tórtinshi deńgeıli bıýdjetke kóshken aýyl bıýdjeti 189 mıllıon teńgeni qurapty.
Mysaly, 43 mıllıon teńgege 4 kósheniń joly jóndelse, 7 mıllıon teńge qysqy ýaqytta joldy qardan tazalaýǵa bólingen.
Bıyl 300 oryndyq mádenıet úıi berilmek.
Aýyldyq aýmaqta 1572 úıdiń 394-i mal ustaıdy. Barlyǵy 1873 bas iri qara, 1 myńnan astam jylqy men 4114 qoı-eshki bar.
Al, «Janaly- Agro» kooperatıvi sút óndirip, et-sút ónimderin satady. Baıdala aýylyndaǵy «Mustafınov» jeke kásipkerligi júndi óńdep, jyl saıyn 7 myń pıma, 3 tonna tekemet daıyndaıdy
Jıynda turǵyndar kóshelerdi jaryqtandyrý máselesi jaıly aıtty. Aýylǵa kireberis joldarǵa kerektigin jetkizdi.
- Balalar mektepten kelgende aldarynan shammen shyǵyp, qarsy alýǵa májbúrmiz. Kesh tússe bolǵany, aınala qarańǵy, - deıdi turǵyndar.
Kórshi Baıdala aýylynda da kireberis kóshede jaryq joq. Aýyl ákimi Serik Shýaqbaev kóshelerdi jaryqtandyrýǵa qalalyq bıýdjetten 76 mıllıon teńge qarastyrylǵanyn aıtty.
Baıdala aýylynyń kireberis jolyna jaryq shamdaryn ornatý úshin de 9 mıllıon teńge kerek. Bul másele jergilikti máslıhattyń naýryz aıyndaǵy sessııasynda talqylanbaq.
Turǵyndar mal qorymynyń mańyna ıtterdi kómip ketetin jaılar týraly da aıtyp berdi.
Sonymen qatar, eseptik kezdesýde qalalyq polısııa basqarmasy Ońtústik bóliminiń bastyǵy Arshat Esmataevtiń aıtýynsha, byltyr aýyldyq aýmaqta 38 qylmys tirkelgen.
Qala irgesindegi aýylda ortalyqtandyrylǵan júıege qosylmaǵan úıler bar. Qatty turmystyq qaldyqtardy shyǵarý, zańsyz qoqys oryndaryn azaıtýǵa qatysty qala ákimi Ánýar Kúmpekbaev jergilikti aýyl ákimine tapsyrmalar berdi.
Farıda BYQAI,
«Egemen Qazaqstan»
PAVLODAR
