О́ńirdegi kólik aǵyny qyraǵy baqylaýda

Bul óz kezeginde qylmystyń izin sýytpaı ashýǵa kómektesip qana qoımaı, azamattardyń da qaýipsizdigin qamtamasyz ete alady. 

Bul jumys bıylǵy jyly da jalǵasyn tabýda. Qa­zir­gi zamanǵy tehnologııalar qo­ǵamdaǵy zańdylyq pen qu­qyq­tyq tártipti qamtamasyz etýge baǵyttalǵan. Sondyqtan da jańa apparattyq-baǵ­dar­la­malyq keshenderdi ornalastyrý óńir polıseıleriniń de jumysyna serpin beretini anyq. Sonymen qa­tar Qor­daı aýdanynyń Qyrǵyz Res­pýb­lı­ka­symen sheka­­ralas ornalasýy da atalǵan aýdanǵa basa nazar aýdarýdy talap etedi.
Qordaılyq polıseılerge zamanaýı apparattyq keshendi satyp alýǵa qarjy bólý má­se­le­si Jambyl oblysynyń ákimi Asqar Myrzahmetovtiń bas­tamasymen kóterilgen bola­tyn. Nátıjesinde zamanaýı qurylǵylar búkil Qordaı aýdanyn tutas qamtydy. Endi kórshi Qyrǵyz Respýblıkasy, Al­maty oblysy jáne bas­qa da aı­maq­tar­dan kelgen bar­lyq kólik aǵyny atal­ǵan keshenderdiń qyraǵy ba­qy­laý­ynda bolady jáne olarǵa qatysty turaqty monıtorıng júrgizilýde.

Jalpy alǵanda, búginde Ta­raz­dyń kóshe jol jelilerinde jol qozǵalysy erejelerin buzý­dy tirkeıtin jáne urlanǵan kólikterdi izdestiretin 40 ke­shen jumys isteýde. Al «Avto­ýra­gan» kesheni aımaqtyń 34 beketine ornatylǵan. My­sa­ly, oblystyq polısııa de­par­ta­men­tiniń málimetinshe, ótken jyly ǵana «Avtoýragan» jáne beınebaqylaý quraldarynyń kómegimen eki kisi óltirý, eki qaraqshylyq, 32 kisi tonaý, 45 buzaqylyq, 69 urlyq jáne 200 kólik aıdap áketý, sondaı-aq 24000-ǵa jýyq ákimshilik quqyq buzýshylyq anyqtalǵan eken. Al jol qozǵalysy erejelerin buzýǵa qatysty aıyppul memleket qazynasyn 40 mıllıon teńgege tolyqtyrǵan.

Endigi jerde tıisti keshender qylmystyń izin sýytpaı ashýǵa, sát saıyn Jambyl oblysyna keletin jáne aı­maq­tan shyǵatyn barlyq kó­lik­­ti baqy­laý­ǵa múmkindik be­re­di. Al eli­mizde jedel qolǵa alynǵan sıfr­landyrý úrdisi Jambyl polıseıleriniń de qyzmetine jyldam qar­qyn­men engizilgenin aıta ket­ken jón. Budan keıingi ýa­qyt­tarda da oblystyq polı­sııa departamenti oblys ákim­di­gi­niń qoldaýymen oblys­tyń negizgi kólik joldary men basqa da aýdandarda osyndaı «Avtoýragan» keshenin ornatýdy josparlap otyr.

Hamıt ESAMAN,

«Egemen Qazaqstan»

Jambyl oblysy