Sońǵy úsh jylda 1900 shaqyrym jol jóndelgen. Byltyr joldardy qalpyna keltirýge 21 mıllıard teńge baǵyttalǵan. Atqarylǵan jumystardyń nátıjesinde jaqsy jáne qanaǵattanarlyq jaǵdaıdaǵy joldardyń úlesi 61 prosentke jetken.
Desek te, shalǵaıdaǵy eldi mekenderge tartylǵan joldyń sapasy áli de kóńil kónshitpeıdi. Jaýapty ýchaskeler senip tapsyrylǵan merdigerlik kompanııalar tarapynan da eleýli kemshilikter kezdesedi. Jolaýshylar kóligi jáne avtomobıl joldary basqarmasynyń málimeti boıynsha 2937 shaqyrym jol jóndeýdi qajet etedi. Soǵan sáıkes bıyl 705 shaqyrym jol jóndeýden ótedi. Bul maqsatqa rekordtyq qarajat jumsalmaq.
«Bıyl joldardy jóndeýge 37 mıllıard teńge qarastyrylady. Buryn joldardy jóndeýge mundaı qarjy bólinbeıtin»», deıdi aımaq basshysy dedi Qumar Aqsaqalov.
Sońǵy 3 jylda joldardy jóndeý 62 myń turǵyny bar 128 eldi mekendi qamtysa, oblystyń 2019-2021 jyldarǵa arnalǵan áleýmettik-ekonomıkalyq keshendi damý josparyna oraı 62,8 mıllıard teńge jumsaý qarastyrylǵan. Sonda jaqsy jáne qanaǵattanarlyq dárejedegi joldardyń úlesi 73 prosentke deıin artady.
О́mir ESQALI,
«Egemen Qazaqstan»
Soltústik Qazaqstan oblysy
