Birlesken shtabtyq jattyǵýlardyń bastalýymen «Batys» óńirlik qolbasshylyǵy áskerı bólimderi dabyl boıynsha kóterildi. Bul jattyǵýlardyń basty maqsaty ofıserlerdiń túrli deńgeıdegi qarqyndylyqtaǵy urys áreketterin uıymdastyrý boıynsha ofıserlerdiń kásibı daıarlyǵyn pysyqtaý boldy.
Jattyǵý barysynda basqarý organdarynyń arnaıy áskerı operasııany is júzinde pysyqtaýy jáne áskerlerdi qoldanýdy josparlaýda áskerı bólimder qolbasshylyǵynyń praktıkalyq mashyqtaryn jetildirdi.
Jattyǵýdyń nıetimen basqarý organdarynyń ózara is-qımyldaryn ustap turý jónindegi uıymdastyrý jáne jan-jaqty qamtamasyz etýdiń túrleri boıynsha sheshim qabyldaǵan kezde komandırlerdiń jumys tártibi máselelerin pysyqtaý kózdelgen. Qoıylǵan tapsyrmalardy pysyqtaý barysynda basqarý organdary men jedel qolbasshylyq quramynda jaýyngerlik is-qımyldardy uıymdastyrý kezinde jedel jáne taktıkalyq býyn shtabtarynyń úılesimdiligi tekserildi. Ofıserler qajetti anyqtama materıaly men jedel-taktıkalyq esepterdi qoldana otyryp, jan-jaqty qamtamasyz etýdiń túrleri boıynsha josparlardyń baıandamalaryn júzege asyrdy, josparlaýshy qujattardy ázirleýde praktıkalyq mashyqtaryn jetildirdi.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
