Almaty oblysynyń tıisti sala mamandary kóktemgi sý tasqynynyń aldyn alý sharalaryna bıyl erte bastan kiristi. Jaqynda oblys ákiminiń birinshi orynbasary Lázzat Turlashovtyń jetekshiligimen selektorlyq jıyn ótti. Oǵan tótenshe jaǵdaı, azamattyq qorǵanys, selden qorǵaý men aýa raıyn boljaý ortalyǵynyń qyzmetkerleri qatysty. Jıyn barysynda kóktemgi sý tasqynynyń aldyn alý, daıyndyq sharalaryn kúsheıtý men aımaqtaǵy sý qoımalarynyń jaǵdaıy sóz boldy.
Jalpy, Almaty oblysynda jetpisten asa sý qoımasy, 85 sý retteý bógeti bar. Bıylǵy deıin 8 bógetke kúrdeli jóndeý jumysy jasaldy. Keıbir qoımanyń salynǵan jyly óte erte bolǵandyqtan, ýaqyt ótken saıyn jóndeýdi qajet etetindigi anyqtalǵan. Tótenshe jaǵdaı basqarmasy mundaı nysandardyń tizimin jasap, jiti qadaǵalaýda ustap otyr. Al kóktemgi sý tasqyny kezinde táýlik boıyna kezekshilik uıymdastyrylmaqshy.
Sondaı-aq, oblys aýmaǵyn sý tasqynynan qorǵaý jáne apat jaǵdaıyn boldyrmaý maqsatynda bıyl bıýdjetten 560 mln teńgeden asa qarjy bólingen. Munan bólek, myńǵa jýyq tehnıka, úsh jarym myńnan asa shuǵyl kómek kórsetin qyzmetkerler toby daıyndyqtaryn pysyqtap otyr.
Qalmahanbet MUQAMETQALI,
«Egemen Qazaqstan»
ALMATY OBLYSY
