Brıfıngke oblystyq jumyldyrý daıyndyǵy basqarmasynyń basshysy Asylbek Shámenov, oblystyq jolaýshylar kóligi jáne avtomobıl joldary basqarmasynyń basshysy Erjan Ábdiqalyqov, oblystyq qurylys, sáýlet jáne qala qurylysy basqarmasynyń basshysy Muhamedısa Álserikov, oblystyq energetıka jáne turǵyn úı-kommýnaldyq sharýashylyq basqarmasynyń basshysynyń orynbasary Erlan Jolamanov, oblystyq memlekettik sáýlet-qurylys baqylaýy basqarmasynyń basshysy Marsbek Moldabaev qatysty.
О́tken jyl óńir ekonomıkasyndaǵy damý tendensııasy joǵary boldy. Qurylys salasy qarqyndy damydy.
Oblystyq qurylys, sáýlet jáne qala qurylysy basqarmasynyń basshysy Muhamedısa Álserikov 2018 jyly oblys boıynsha barlyq qarjylandyrý kózderinen 1790 páterli 70 kóppáterli turǵyn úıdiń qurylysy júrgizilip, jyl qorytyndysymen 1222 páterli 56 turǵyn úı paıdalanýǵa berilgendigin aıtty. Sondaı-aq, ótken jyly oblysta satyp alý quqyǵynsyz jalǵa beriletin turǵyn úılerdiń qurylysyn júrgizýge bólingen 4,3 mlrd.teńge tolyǵymen ıgerildi. Bul qarjyǵa 620 páterli 17 turǵyn úıdiń qurylysy júrgizilip, onyń 292 páterdi quraıtyn 7 turǵyn úıi paıdalanýǵa berildi.
- Qazirgi ýaqytqa, Qyzylorda oblysynda jóndeýdi qajet etetin kópqabatty turǵyn úıler sany 629 qurap otyr. 2011-2015 jyldary turǵyn úılerdiń kúrdeli jóndeý jumystaryna jumsalǵan qarjynyń qaıtarymy 59,1 paıyz. Qyzylorda qalasynda qaıtarym qarajat esebinen 359,9 mln.teńgege 8 kóppáterli turǵyn úıge kúrdeli jóndeý jumystary júrgizile bastaldy. Qazirgi tańda 7 kóppáterli turǵyn úıdiń jóndeý jumystary aıaqtaldy. Qalǵan 1 kóppáterli turǵyn úı osy jylǵa ótpeli, - dedi oblystyq energetıka jáne turǵyn úı-kommýnaldyq sharýashylyq basqarmasynyń basshysynyń orynbasary Erlan Jolamanov.
Elbasy halyqqa Joldaýynda qurylys salasyna memlekettik turǵydan baqylaýdy kúsheıtýdi tapsyrǵan bolatyn. Osyǵan oraı, búginde «Qurylys týraly» jańa Zań jobasy Parlament qaraýynda. Atalǵan Zań qoldanysqa engennen keıin sáýlet-qurylys salasyndaǵy normatıvter men erejeler túbegeıli ózgeretin bolady.
Baqtııar TAIJAN,
«Egemen Qazaqstan»
Qyzylorda oblysy
