«Kontrafaktilik ónimderden qorǵaý, bıznestiń básekelestik jaǵdaılaryn teńestirý jáne kóleńkeli ekonomıka kólemin qysqartý maqsatynda taýarlardy tańbalaý jáne qadaǵalaý júıesin qurý boıynsha jumys júrgizilýde. Teri buıymdaryn tańbalaý boıynsha qanatqaqty joba júrgizildi. Onyń oń nátıjelerin kórip otyrmyz, ıaǵnı 250 myńnan astam teri buıymdary tańbalanǵan. Teri buıymdaryn deklarasııalaıtyn ımporttaýshylardyń sany 40 paıyzǵa ósti», dedi Á. Smaıylov.
Qarjy mınıstri atqarylǵan sharalardyń nátıjesinde tabysty tómendetip kórsetetin salyq tóleýshiler anyqtalǵanyn aıtty.
«Patent negizinde qyzmetin júzege asyratyn sýbektiler sany 13 esege qysqardy (247-den 19-ǵa deıin). Import boıynsha kedendik bajdar men salyqtar túsimderi 1,5 esege ósti (372 mln teńgeden 516 mln teńgege deıin)».
«2018 jyldyń qazanynan bastap temeki ónimderin tańbalaý boıynsha alǵashqy sharalar bastaldy. Bıyl dárilik zattardy tańbalaý boıynsha alǵashqy jumystar bastalady. Osy baǵyttaǵy jumys «Eýrazııalyq ekonomıkalyq odaqta taýarlardy sáıkestendirý quraldarymen tańbalaý týraly» kelisimdi ratıfıkasııalaý kezinde depýtattardyń eskertýleri men usynystaryn qaraı otyryp jalǵasady», dedi Álıhan Smaıylov.
