Kezdesý barysynda saýda-ekonomıkalyq, mádenı-gýmanıtarlyq, týrıstik saladaǵy ekijaqty yntymaqtastyq máseleleri, sondaı-aq aqyldy qalalardy damytý jáne sıfrlandyrý máseleleri talqylandy. Atap aıtqanda, metallýrgııa, azyq-túlik salasy, mashına jasaý, qurylys materıaldary jáne hımııa ónimderi sekildi salalarda Qyrǵyzstanǵa eksport nomenklatýrasyn keńeıtý keleshegi qaraldy. Budan ózge, óńiraralyq jáne shekara mańy ózara is-qımylyna qatysty máseleler qaraldy.
J. Kýlýbaev Qazaqstandaǵy Qyrǵyzstan Respýblıkasynyń elshisi laýazymyna ótken jyldyń sońynda taǵaıyndaldy. QR Prezıdenti N. Nazarbaev 2018 jylǵy 12 jeltoqsanda senim gramotalaryn qabyldady.
2018 jyldyń 11 aıynyń qorytyndysy boıynsha Qazaqstan men Qyrǵyzstan arasyndaǵy taýar aınalymy $757,7 mln qurady, bul 2017 jyldyń uqsas kezeńimen salystyrǵanda 10,2% ($687,6 mln) artyq. 2018 jyldyń qańtar-qarasha aılarynda Qazaqstannan eksport 18,7% ósip, $548,9 mln qurady.
