Qoǵamdyq qabyldaý «Nur Otan» partııasynyń 20 jyldyq mereıtoıyna oraılastyrylyp otyr. Sharaǵa partııa ókilderi, oblystyq, qalalyq máslıhat depýtattary, ishki ister organdary, sondaı-aq jergilikti bılik ókilderi qatysty. Kezdesýge kelgen turǵyndardyń basym kópshiligin turǵyn úı-kommýnaldyq sharýashylyǵy, balabaqsha, jol, jylý syndy áleýmettik máseleler tolǵandyratyn kórinedi.
– «Nur Otan» partııasynyń bastamasymen Krasnyı Iаr selosynda turǵyndarmen kezdesip, olardyń kúndelikti ómirlerinde qandaı máseleler bar ekendigin óz aýyzdarynan estip bildik. Áleýmettik-turmystyq jaǵdaıdy jaqsartý úshin kókeıtesti máselelerdi sheshýge bar kúsh-jigerimizdi jumyldyramyz. Bul oraıda, ýáde bermes buryn egjeı-tegjeıli zerttep, bilip alýymyz kerek, – deıdi oblystyq máslıhattyń depýtaty Serik Aıaǵanov.
Nurly kósh aýylynda turatyn Baqytgúl Kúlızanyń turǵyn úıi apatty jaǵdaıda turǵan kórinedi. О́tken túnde qabyrǵasy qulap qalǵan. Atalǵan aýyl turǵyndarynyń da qurylysqa jaýapty kompanııa ókilderine ókpesi qara qazandaı.
– On jyldan beri úı máselesi boıynsha sheshilmeıtin daý bolyp kele jatyr. Jol máselesi boıynsha saýal joldaǵym keledi. On jyl baqpaq keship kelemiz. Júrý múmkin emes, – deıdi Nurly kósh aýylynyń turǵyny Baqytgúl Kúlıza.
«Nur Otan» partııasy jyl saıyn halyq arasynda josparly túrde kóshpeli qoǵamdyq qabyldaýlar uıymdastyrýdy ıgi dástúrge aınalǵan. Aıta keteıik, ótken 2018 jyldyń jumys qorytyndysy boıynsha qoǵamdyq qabyldaýǵa 5 jarym myńnan adam kelip ótinish bildirgen.
Baıqal BAIÁDIL,
«Egemen Qazaqstan»
Aqmola oblysy
