Almatyda bilim salasyn damytýǵa baǵyttalǵan jumystar júıeli júzege asyp keledi. Qala aýmaǵyna qosylǵan eldi mekenderdegi ıntensıvti mıgrasııa men týý qarqyny esebinen mekteptegi oryn jetispeýshilik pen balabaqsha kezegin azaıtý maqsatynda ótken jyly qalanyń Naýryzbaı aýdanynda 1200 adamǵa arnalǵan sý jańa mektep paıdalanýǵa berilgen bolatyn. Shahardaǵy úsh birdeı mekteptiń janynan 1400 oryndyq qosalqy nysan men 730 balaǵa shaqtalǵan úsh memlekettik balabaqsha ashylǵan. Byltyrǵy jyldyń qorytyndysyna sáıkes, budan bólek 2,5 myń oryndy 6 jeke mektep jáne 4936 búldirshinge arnalǵan 170 jeke balabaqsha iske qosylǵan. Taıaý kúnderi 440 oryndy 2 balabaqsha paıdalanýǵa berilmek.
Qala ákimdiginiń baspasóz qyzmeti bergen málimetke súıensek, Alataý aýdanynda 600 oryndy mektep pen 3 memlekettik balabaqshanyń qurylys jumystary júrip jatyr. Memlekettik-jeke áriptestik jáne bıznestiń áleýmettik jaýapkershiligi aıasynda oqýshylar tyǵyz ornalasqan ortalyqtaǵy 4 mekteptiń janynan qosalqy oqý korpýstary salynbaq.
Arman OKTIаBR,
«Egemen Qazaqstan»
ALMATY
