Robot-daıashy Býdapesht kafesinde qonaqtarǵa qyzmet kórsetedi
Vengrııanyń astanasyndaǵy bul kafeni E-Szoftverfejlesztő dep atalatyn IT kompanııasy ashqan. Kafe avtomattandyrý jáne jasandy ıntellekt salasyndaǵy tehnologııalyq revolıýsııamen qoǵamdy tanystyrýǵa kómektesetin robottar tobymen jabdyqtalǵan.
Robot-daıashylar tutynýshylarǵa azyq-túlik pen sýsyndardy jetkizý úshin arnaıy jabdyqtalǵan joldarmen júredi. Admınıstrator qyzmetin atqarýshy Pepper roboty qonaqtarmen áńgimelesip, kóńilderin kóterip, sondaı-aq olarmen bı bıleıdi.
«Japondyq Softbank kompanııasy jasaǵan, Pepper roboty shýly kafe jaǵdaıynda klıentterdi estý múmkindin áli de damytý kerek dedi», kafe ıesi Taıbor Chızmadııa.
Onlaın-pikirlerge qaraǵanda, Pepper robotynyń shyǵýy kóptegen adamdardy tańqaldyrǵan, sondyqtan olar basqa robottardyń qolaısyz áreketterin keshirýge daıyn. Avtomattandyrý men jasandy ıntellektterdiń kóbeıýine, olardyń adamdardyń jumysyn tartyp alý qaýpine qaramastan Býdapesht kafeleri qyzmetkerlerin jumystan bosata qoıǵan joq.
«Shyn máninde bizde burynǵyǵa qaraǵanda eki ese kóp adam jumys isteıdi, óıtkeni 20 shaqty robotty jumys istetý úshin tańǵy 9-dan keshki 9-ǵa deıin bizge qosymsha IT mamandar qajet» deıdi Taıbor Chızmadııa.
Aýdarǵan Mádına JÁLELQYZY,
«Egemen Qazaqstan»
