«Jańa Aqtasty» kompanııasy Almaty oblysyndaǵy et óndirisin klasterlik jolmen damytýǵa kirisken biregeı uıym. Sharýashylyqtyń bazasyna Kegen aýdanynyń Aqtasty aýylyndaǵy reprodýktor men 6000 basqa arnalǵan bordaqylaý alańy, Saty aýylyndaǵy 100 bas Kóshim jylqysy men 400 merınos qoıyn ósirip otyrǵan 600 basqa arnalǵan reprodýktor jáne Eńbekshiqazaq aýdany Qyrbaltabaı aýylynda bordaqylaý alańy bar. Jaqynda osy aýyldan təýligine 10 tonnaǵa deıin et óńdeıtin kásiporyn qurylysy aıaqtalyp, iske qosylady. Al mal borqaqylaýǵa qajet jem-shóp de sharýashylyqtyń shabyndyq alqaby men egistikterinen daıyndalady.
Sondaı-aq, seriktestik óndiristi ǵylymmen ushtastyryp otyr.Ásirese, asyl tuqymdy iri qara ósirýdiń paıdasyn kórýde. Qazir sharýashylyq qorasynda 1500 bas «Aberdın Angýs» tuqymdy iri qara bar. Aǵylshyn elinde ósiriletin bul tuqymdy ósirýdiń shyǵyn az, paıdasy mol bolyp esepteledi eken. «Aberdın Angýs» sıyrlarynyń tiri salmaǵy 500 – 700 keli tartady. Al 15-16 aı baǵymda bolǵan jas mal 700 keliden 1000 kelige deıin taza et beredi.
Qalmahanbet MUQAMETQALI,
«Egemen Qazaqstan»
Almaty oblysy
