Statıstıkalyq málimetterge súıener bolsaq sońǵy úsh jylda Shymshaharda 46 órt oqıǵasy tirkelgen. Tótenshe jaǵdaı qyzmeti mekemelerin jyldan-jylǵa óndiris oryndary men saýda núktelerindegi tilsiz jaýdan bolatyn oqys jaǵdaı jıi alańdatyp otyr.
Salaǵa jaýaptylar bul máseleni qalada memlekettik emes órtke qarsy qyzmettiń qurylmaýymen baılanystyryp otyr.
«Shymkenttegi ındýstrıaldyq aımaqtar men iri saýda ortalyqtarynda memlekettik emes órt sóndirý qyzmeti kerek. Alaıda bul máseleni kásipkerler de, ákimdiktegiler de kún tártibinde kótermeı otyr. О́rt sóndirý qyzmetin kásipkerler birlesip qurǵan jaǵdaıda oqys oqıǵalardyń aldyn alýǵa ońtaıly bolar edi», deıdi «О́rt sóndirýshi» AQ Shymkent fılıalynyń dırektory Akzamhan Hamýdov.
Kezdesýde tótenshelikter kásipkerlerge memlekettik emes órtke qarsy qyzmettiń júıesin táptishtep túsindirip berdi. Al, sala mamandary órt sóndirý qyzmetinen alys ornalasqan saýda oryndary men kásiporyndarda arnaıy órtke qarsy ortalyq iske qosylýy kerek degen tujyrymdy aıtady. О́kinishtisi, osydan 5 jyl buryn belgilengen bul talapty shahardaǵy keıbir kásiporyndar men kásipkerler áli kúnge deıin eskerer emes.
Aıta keterligi, Shymkentte bazar órtený «qalypty» jaǵdaıǵa aınalyp barady. Tipti, sońǵy úsh jylda Shymkent qalasynyń aýmaǵyndaǵy óndiristik nysandar men saýda oryndarynda 70-ke jýyq órt oqıǵasy tirkelgen. Alapat órt kezinde 2 adam qaıtys bolyp, eki adam túrli dene jaraqattaryn alǵan. Saldarynan mıllıondaǵan shyǵyndar kelgen.
«Úkimet Qaýlysyna saı ónerkásiptik óndiristiń barlyq túrindegi uıymdar men kásiporyndarda órt jáne jarylys qaýpi bar ǵımarattar syrtqy tehnologııalyq qondyrǵylardyń jalpy aýdany úsh jarym myń sharshy metr jáne odan kóp memlekettik órtke qarsy qyzmet bólimshelerinen úsh shaqyrymnan astam qashyqtyqtaǵy nysandarda memlekettik emes órtke qarsy qyzmeti qurylý qajet. Sondaı-aq bazardyń saýda oryndarynyń aýdany 3500 sharshy metrden jáne memlekettik órt sóndirý qondyrǵylarmen jabdyqtalmasa, osy joǵaryda atalǵan qyzmet túrin qurýy kerek», deıdi Shymkent qalasynyń TJD bólim bastyǵy Baýyrjan Izbasarov.
Sala basshylary qaladaǵy órt oqıǵalarynyń kásipkerlik nysandarda jıilep otyrǵan aıtyp, qoǵamdyq oryndardaǵy qaýipsizdik máselesine sheneýnikter bas aýyrtpaı otyrǵandyǵyn tilge tıek etti. Olardyń pikirinshe bul jaýapty iske ákimdik ókilderi de atsalysyp, oqys oqıǵalardy boldyrmaý úshin birlese jumys jasasa degen ótinishterin jetkizdi.
Nurshat TО́KEN,
«Egemen Qazaqstan»
