«Osyndaı mańyzdy jarysty Qazaqstanda ótkizýge senip tapsyrǵandary úshin Halyqaralyq dzıýdo federasııasyna alǵys aıtamyz. О́zderińiz biletindeı, Qazaqstan dzıýdodan álemdik arenada ózindik ornyn qalyptastyrǵan bedeldi el bolyp sanalady. Osyǵan deıin eresekter arasynda Gran Prı, «Masters», sondaı-aq, Álem Chempıonaty syndy álemdik iri jarystardy abyroımen ótkizdi. 2019 jyl memleket basshysynyń usynysymen «Jastar jyly» bolyp jarııalanǵanyn bilesizder. Elbasymyz aıtpaqshy, bizdiń bolashaǵymyz - jastar, jasóspirim býyn bolǵandyqtan, jasóspirimder arasyndaǵy Álem Chempıonatynyń róli biz úshin – mańyzdy. Bul bizdiń kishkentaı sportshylarymyzdyń sheberlikterin shyńdap, elimizde balalar arasynda dzıýdonyń damýyna zor úles qosady. Sonymen qatar, bolashaqta el namysyn abroımen qorǵaıtyn sportshylardy daıyndaýda kómegin tıgizedi dep oılaımyn», - deıdi Qazaqstan dzıýdo federasııasynyń bas hatshysy Ashat Jıtkeev.
Aıta keterligi, dzıýdodan jasóspirimder arasyndaǵy Álem Chempıonatyn ótkizýge Almatymen (Qazaqstan) qatar, Ulan-Batyr (Mońǵolııa) men Abý-Dabı (BAÁ) qalalary úmitker bolǵan.
