Bul jobaǵa byltyr Shyǵys Qazaqstan jastary tarapynan áýeli 473 ótinim túsip, aqyr sońynda sonyń 149-y kádege jarapty. Búgin О́skemendegi D.Serikbaev atyndaǵy Shyǵys Qazaqstan memlekettik tehnıkalyq ýnıversıtetinde ótken aımaqtyq jastar forýmynda osy jobanyń qorytyndysy shyǵaryldy. Forým bastalmas buryn sharaǵa kelgen jurt dálizdegi kórme arqyly joba aıasynda júzege asyrylǵan jumystarmen tanysty. Oblystyq Ishki saıasat basqarmasy basshysynyń orynbasary Aıdar Sadyrbaev, «Nur Otan» partııasy oblystyq fılıaly tóraǵasynyń orynbasary Oleg Chýgýnkov pen oblystyq jastar resýrstyq ortalyǵynyń dırektory Araılym Esimbekqyzy ár jobaǵa qyzyǵýshylyq tanytyp, jastarmen pikirlesti. О́zimiz de tańǵaldyq. Jastardyń jobalary birinen biri ótedi. Semeılik jas jigit 60 anany balaǵa massaj jasaýǵa úıretip, oqytyp, qoldaryna sertıfıkat beripti.
Zaısan qalasynda «Otbasynda zorlyq-zombylyqqa jol joq» jobasy arqyly 300 áıel adamǵa psıhologııalyq-quqyqtyq kómek kórsetilipti. Aıajan atty boıjetken Glýbokoe aýdanynda 50 zeınetkerdi kompıýterlik saýattylyqqa úıretipti. Zaısan aýdany Qarabulaq aýylynyń bir bozbalasy ákimdik bergen tizim boıynsha áleýmettik az qamtylǵan otbasylardyń aıaq kıimderin jóndep beripti. Altaı qalasynda bir jigit óziniń jobasy aıasynda múgedek jandardyń kólikterin tegin jóndep, alǵystaryna bólenipti. Áspettep, tańǵalyp otyrǵanymyz, jastar osyndaı saýapty isteri úshin bir tıyn da aqsha almapty. Jobanyń maqsaty da osy eken. «Jobanyń nátıjesinde oblysymyzda sút jáne et ónimderin óndirý boıynsha 37 joba qolǵa alynyp, 10 sport úıirmesi, 21 tilderdi jáne kompıýterdi úıretý kýrsy, 14 volonterlik joba, 8 naýbaıhana, 7 shashtaraz ben sulýlyq salony, 4 atele, balardy damytý úıirmesi, 3 kishi qus fermasy, omarta, dybys jazý stýdııasy, polıgrafııa jáne korreksııalaý synyby, ıppoterapııa kýrsy, aıaq kıim sheberhanasy ashyldy. Aı saıyn ózderiniń jobalary aıasynda 491 qatysýshy myńdaǵan shyǵysqazaqstandyqtarǵa tegin qyzmet kórsetip keledi. Bálkim bireýge bul jaı ǵana qarapaıym sandar bolyp kórinetin shyǵar. Biraq onyń artynda tek ózine ǵana emes, qorshaǵan ortaǵa kómek kórsetýdi armandaǵan jastardyń jeńisteri tur. Biz osy jastarǵa joba kezeńinde ıgergen bilimderi dara tulǵa retinde damýyna, kómekke zárý adamdarǵa paıdasyn ákelýge, qarjylandyrý aıaqtalǵan soń jobany jalǵastyrýǵa kómektesedi degen senimdemiz», - deıdi atalmysh jobanyń Shyǵys Qazaqstan oblysy boıynsha aımaqtyq úılestirýshi Serik Júnisov.
Joba sheńberinde Shyǵys Qazaqstannyń jastaryna 260 mıllıon teńgeden astam qarjy bólinipti, onyń 130 mıllıony granttardy qarjylandyrýǵa, 135 mıllıony stıpendııa tóleýge jumsalypty. Jobany jastarǵa jetkizý úshin konsýltanttar 4594 úıdi aralap, jıyny 1631 adammen 88 aqparattyq kezdesý ótkizipti.
Azamat QASYM,
«Egemen Qazaqstan»
О́SKEMEN
Sýret Nasıma Qorǵanbekovanyń feısbýktegi paraqshasynan alyndy
