Qazaqstan Syrtqy saıası vedomstvo jańa basshysynyń alǵashqy ekijaqty sapary RF Syrtqy ister mınıstriniń shaqyrýymen ótti.
Kezdesý barysynda syrtqy saıası vedomstvolar basshylary saıası jáne ekonomıkalyq salalardaǵy ekijaqty yntymaqtastyqtyń qazirgi jaǵdaıy men keleshegin talqylady, sondaı-aq óńirlik jáne halyqaralyq kún tártibiniń túrli aspektileri boıynsha pikir almasty.
Suhbattastar Qazaqstan-Reseı qarym-qatynastarynyń dástúrli joǵary deńgeıin belgiledi. B. Atamqulov Prezıdent Nursultan Nazarbaev Qazaqstan halqyna joldaýynda eki eldiń qarym-qatynasyn sıpattaı otyryp, olardy memleketaralyq qarym-qatynastardyń úlgisi ekendigin atap ótti.
Syrtqy saıasattyń ekonomıkalyq quramdas bóligin nyǵaıtý jónindegi QR Syrtqy ister mınıstrligine júktelgen mindetterdi eskere otyryp, saýda-ınvestısııalyq yntymaqtastyq máselelerine, kólik-tranzıt, otyn-energetıka jáne áskerı-tehnıkalyq saladaǵy jaǵdaı men bolashaqqa, sondaı-aq Baıqońyr kesheni boıynsha yntymaqtastyqqa erekshe nazar aýdaryldy.
