Táýelsizdiktiń alǵashqy kúnderinen bastap bizdiń elimiz jastardy barlyq salalarda, eń aldymen bilim alý, kásipti ıgerý, jumys tabýda ózin-ózi júzege asyrý úshin kóp múmkindikter jasaýǵa tyrysýda. Jastarǵa qoldaý kórsetý úshin memlekettik baǵdarlamalar jasaldy jáne olar tabysty jumys isteýde. Nátıjesinde elimizdegi jastar sapaly bilim alyp, jańa mamandyqtar meńgerip, óz úılerine ıe bolyp, jumys isteı bastady.
Kóp nárse atqaryldy, alaıda progrestiń shektelmeýi óte mańyzdy. Sol sebepti Jastar jylynyń ashylýynda Memleket basshysy Úkimetke jas qazaqstandyqtardyń ózekti qajettilikterin qanaǵattandyrýǵa arnalǵan qarapaıym jáne túsinikti qoldaý amaldaryn tapsyrdy. Búginde olar bárine belgili qoljetimdi jáne sapaly bilim berý, turǵyn úıge qoljetimdilik, jumys, otbasyn qurý múmkindigi.
Bulardyń ishinde, mysaly, Astana, Almaty jáne Shymkent qalalarynda jumys isteıtin jastar úshin jylyna keminde bir myń páter salý isi óte mańyzdy. Sonymen qatar bul páterler jalǵa beriletin turǵyn úılerge jatady. Belgili bolǵandaı, bul úsh qala búgingi kúnniń ózinde ishki kóshi-qon jáne búkil Qazaqstannyń aımaqtarynan jastardy tartý ortalyǵy bolyp tabylady. Munda jastar bilim alýǵa, jumysqa, jeke baqytqa umtylady.
Prezıdenttiń birqatar usynystary Jastar forýmynda ystyq yqylaspen qabyldandy.
Asara Muqanova,
Prezıdent janyndaǵy QSZI (KAZISS) Aqparattyq-taldaý jumysy bóliminiń basshysy, áleýmettaný ǵylymdarynyń kandıdaty
