Birshama ýaqyttan beri Esik qalasy men Qaınazar, Abat, Eńbek aýyldarynda jeke úılerdi tonaý faktisi jıilep, jergilikti polısııaǵa shaǵymdanýshylar kóbeıgen edi. Tártip saqshylary bul istiń artynda kánigi urylar tobynyń turǵanyn anyqtap, qylmyskerlerge tuzaq qurdy. Jaqynda qylmys ústinde ustalǵan urylardy tutqyndaýǵa oblys polıseılerimen birge «Suńqar» arnaıy jasaǵy da qatysty.
- Arnaıy operasııa barysynda Eńbekshiqazaq aýdanynda uzaq jyldan beri tonaýshylyqpen aınalysqan top ustaldy. Olardy buǵan deıin túrli qylmysy úshin jalpy esebi 20 jylǵa sottalǵan asa qaýipti qylmysker basqaryp kelgen. Tutqyndaý kezinde tonalǵan úılerden alynǵan baǵaly zattar alyndy. Materıaldyq shyǵyn birneshe mıllıon teńgege baǵalanyp otyr, - dedi oblystyq ishki ister departamentiniń ókili.
Qalmahanbet MUQAMETQALI,
«Egemen Qazaqstan»
Almaty oblysy
