Memlekettik qyzmetegi ashyqtyqty saqtaý maqsatynda osydan ilgeri Shymkent ákimdigi men qalalyq sot arasynda ózara yntymaqtastyq týraly memorandýmǵa qol qoıylǵan edi. Mine, sol kelisim nátıjesinde azamattardy qabyldaýdyń jańa formaty engizilip otyr.
«Elbasy N.Nazarbaev «Qazaqstandyqtardyń ál aýqatynyń ósýi: tabys pen turmys sapasyn arttyrý» atty Joldaýynda sot júıesin odan ári jańǵyrtýda naqty tapsyrmalar bergen bolatyn. Ony bastysy daýlardy sotqa jetkizbeı, bitimgerlik jolmen sheshýdiń balamaly túrin damytý máselesi de bar. Taraptardyń daýyn sotqa jetkizbeı retteýde osy ortalyqtyń mańyzy zor. Onda sýdıalar, medıatorlar azamattardy demalys, mereke kúnderinen basqa ýaqyttyń bárinde qabyldaıdy», - deıdi qalalyq sot tóraǵasy Erbol Rahymbekov.
Qalalyq sot ókilderi ótken jyly Shymkentte 29 myńǵa jýyq azamattyq is qaralyp, sot júıesinde medıasııa ınstıtýtyn damytý maqsatynda birqatar jaqsy jobalardy júzege asyryp jatqandyǵyn aıtady. Búginge deıin qalalyq sot janynan tatýlastyrý kabınetteri, ardagerler keńesiniń qoldaýymen bıler keńesi qurylyp, jumys istep keledi.
Endi memlekettik organdarda medıasııalyq kabınetter ashý men kásibı medıatorlardyń sanyn kóbeıtý máselesi tur. Jergilikti ákimdik pen qalalyq sottyń memorandýmy aıasynda bul bastamalar aldaǵy ýaqytta onan ary jandana túspek.
Igilikti bastamanyń basynda bolǵan qala ákimi Ǵabıdolla Ábdirahymov shahardaǵy mekemelerde medıasııalyq kabınetter ashý boıynsha birlese jumys istep, uıymdastyrý jaǵynan kómek kórsetýge daıyn ekendigin jetkizdi.
Nurshat TО́KEN,
«Egemen Qazaqstan»
