Halyq aldynda esep bergen aýdan ákimi Kólik jáne jol-kólik ınfraqurylymyn damytý basqarmasynyń Kýbrın kóshesin osy jyly tolyǵymen jaryqtandyrýdy josparlap otyrǵanyn málimdedi. Kezdesý № 60 mektep-lıseıde ótti.
Aýdan basshysy okrýgterdi abattandyrý máselesine erekshe toqtalyp ótti. Onyń aıtýyna qaraǵanda, 2018 jyly Bógenbaı batyr kóshesi, 6/3; Kýbrın kóshesi, 20/1, 22/1; Seıfýllın k-si, 3; Kúmisbekov kóshesi, 9/1; Jambyl k-si, 8 úıleriniń kvartal ishindegi aýmaqtary men aýlalary abattandyrylǵan. Aýlalarda 42 shaǵyn sáýlet nysandary ornatylyp, eki fýtbol alańynda jóndeý jumystary júrgizilse, taǵy bir fýtbol men 24 qurylǵymen jabdyqtalǵan úsh jattyǵý alańy qurylǵan bolatyn 2018 jyly Saryarqa dańǵyly boıyndaǵy №27 úıdiń janynda jattyqtyrǵyshtary bar gúl baǵy ashyldy.
Osy jyly qorshaǵan ortany qorǵaý jáne tabıǵatty paıdalaný basqarmasy Saryarqa dańǵyly boıyndaǵy №23 úıdiń janyna taǵy bir gúl baǵyn salýdy josparlap otyr. «О́tken jyly Seıfýllın kóshesi men Saryarqa dańǵylynyń boıynda Kúmisbekov kóshesine deıin 100 aǵash egildi. Kúmisbekov kóshesine 60 aǵash egildi. Ár aǵashty kútip baptaý kerek. Kúmisbekov kóshesinde qurylys jumystaryna baılanysty aǵashtardy qaıta otyrǵyzý sharalary júrgizildi»,– dedi aýdan ákimi.
