Agenttiktiń aýmaqtyq departamenti, Mańǵystaý oblystyq qoǵamdyq densaýlyq saqtaý departamenti jáne Ulttyq saraptama ortalyǵynyń oblystyq fılıalynan quralǵan úsh komanda óz beıimdilikteri men erik kúshterin kórsete bildi.
Komandalar quramynda óner kórsetken QR Densaýlyq saqtaý mınıstrliginiń Ádep jónindegi ýákili Faızýlla Bısmıldın jáne Qoǵamdyq densaýlyq saqtaý komıtetiniń Ádep jónindegi ýákili Aıtmaǵanbet Jolshorınov, oıynnyń óte tartysty da qyzyqty ótkendigin aıtty.
Kúndelikti sporttyq daıyndyǵy bolmasa da, komandalar namysty qoldan bermeýge tyrysty. Al oıynshylardy qoldaýǵa kóbine áriptesteri jınaldy. Jankúıerlerdiń voleıbolshylarǵa dem berýi, oıynnyń kórkin qyzdyra tústi.
- Osyndaı joldastyq kezdesýler turaqty túrde ótkizilip turady. Sondaǵy maqsatymyz – salaýatty ómir saltyn nasıhattap qana qoımaı, memlekettik qyzmettiń oń ımıdjin qalyptastyrý. Eń bastysy – memlekettik organdar arasynda ózara syılastyq bolýy qajet, sebebi barlyǵy da eldiń damýy jolynda aıanbaı ter tógýde jáne olarǵa barynsha jaǵdaı jasalýda. Qýantarlyǵy memlekettik qyzmetshiler ýaqyt taýyp túrli jarystarǵa belsendi qatysýda, dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń basshysy Nurgúl Jannazarova.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
