2018 jyly negizgi kapıtalǵa salynǵan ınvestısııa kólemi 2,5 mıllıard teńgeni qurady. Aýdanda shaǵyn jáne orta bıznes qarqyndy damýda. О́tken jyly memlekettik túrli baǵdarlamalardyń aıasynda 30 adamǵa jeke kásibin ashýǵa nesıe berilip, nátıjesinde 290 jańa jumys orny ashylǵan.
Aýdannyń aýyl sharýashylyǵy salasy jyl sanap qarqyndy damý ústinde. О́tken jyldyń ózinde saladaǵy jalpy ónim kólemi 7,5 mıllıard teńgeni quraǵan. Aýdanda mal sharýashylyǵymen aınalysatyn taýar óndirýshiler men jeke kásipkerlerdiń sany kóbeıip keledi. Qazirgi tańda 15 taýar óndirýshi men 90-ǵa jýyq sharýa qojalyǵy men jeke kásipker bar.
– Aýdannyń artyqshylyqtaryn utymdy paıdalaný kerek dep oılaımyn. Iаǵnı, aýdanda ózen-kól kóp. Nura ózeni bar dalany basyp aǵady. Sondyqtan da sýarmaly egis alqabyn ulǵaıtýǵa múmkindik mol. Turǵyndarǵa kartop, qyzylsha, sábiz ósirýlerine ábden yńǵaıly. Búgingi tańda bul baǵytta josparly jumystar júrgizilýde. Jaıylym da jetkilikti, mal basyn kóbeıtip, qus sharýashylyǵyn damytýǵa izdeseń taptyrmaıtyn jer, – deıdi Qorǵaljyn aýdanynyń ákimi Baýyrjan Ǵaısa.
Baıqal BAIÁDIL,
«Egemen Qazaqstan»
Qorǵaljyn aýdany,
Aqmola oblysy
