– Gaz tartý jumystarynyń birinshi kezeńine sáıkes magıstraldi gaz qubyry Qaraózekten Astanaǵa deıin aldaǵy eki jylda tartylady. Baǵdarlamanyń ekinshi kezeńinde, ıaǵnı, 5 jylda Astanadan Petropavl qalasyna gaz qubyryn tartý kózdelip otyr. Bizdiń kompanııa osy aımaqty kógildir otynmen qamtamasyz etýmen aınalyspaq. Maqsat eski gaz qubyrlaryn jóndep, jańa gaz taratý júıesiniń qurylysynyń júrgizý. Infraqurylymdy qalpyna keltirip, 5 jyl ishinde júzege asyramyz,– dedi «Kókshetaýtransgaz» seriktestiginiń qarjylyq dırektory Batyr Áshirov.
«KókshetaýTransGaz» seriktestigi gaz qubyryn tartý jumystaryna daıyndyqty bastap ketti. Turǵyndarǵa ortalyqtandyrylǵan kógildir otyndy úzdiksiz jetkizý, sapaly qyzmet kórsetý basty maqsat.
– Biz jylyna turǵyn úılerdiń 80 paıyzynda joq gaz qubyrlarynyń 15 paıyzyn qalpyna keltiremiz. Bizdiń mindetimiz ınfraqurylymdy tolyqtaı jańartý. Elbasynyń bastamasymen qolǵa alynǵan jobany ıaǵnı, gaz tartý jumystaryn oblys turyǵyndary tabıǵı gazdy qabyldap alýǵa tolyqtaı daıyn bolýymyz kerek, dedi «Kókshetaýtransgaz» seriktestiginiń sheberi Erlan Saǵyndyqov.
Atalǵan jobany, ıaǵnı magıstraldy gaz qubyryn tartý qurylysyn iske asyrý úshin tıisti qarajat kózderin tartý jaǵy da qarastyrylýda. Elbasynyń 5 áleýmettik bastamasynda qoıylǵan mindet júzege asqanda 2,7 mıllıon adamdy gazben qamtamasyz etý, shaǵyn jáne orta bıznestiń jańa óndirisin ashýǵa úlken múmkindik týmaq.
Baıqal BAIÁDIL,
«Egemen Qazaqstan»
Aqmola oblysy
