Sport • 29 Qańtar, 2019

Aqtaýda voleıboldan birinshilik ótip jatyr

681 ret

kórsetildi

1 mın

oqý úshin

Aqtaýda alǵash ret «Aqtaý voleıbol klýby» qoǵamdyq birlestiginiń bastamasymen erler komandalary arasynda voleıboldan ashyq birinshilik ótýde. О́tken jyldyń qazan aıynan bastalǵan jarys osy jyldyń sáýir-mamyr aılarynda aıaqtalady. Jarys eki jas kategorııasy - 40 jasqa deıin jáne 40 jas jáne odan joǵary ardagerler komandasy arasynda ótedi. Birinshi aınalymda 10 komanda óner kórsetti, al ekinshi sanat boıynsha 5 komanda ótinim bergen. Birinshi aınalym qorytyndysy boıynsha «VK Aqtaý» komandasy shaǵyn Kýbok ıegeri atandy. Birinshiliktiń jeńimpazy eki aınalym qorytyndysy boıynsha anyqtalady.

Egemen Qazaqstan

Aqtaýda voleıboldan birinshilik ótip jatyr

Osy joba aıasynda kelesi oıyn Mańǵystaý oblysynyń dene shynyqtyrý jáne sport basqarmasynyń qoldaýymen «Orbıta» sport kesheninde Keńes áskerleriniń Aýǵanstannan shyǵarylǵanyna 30 jyl tolýyna oraı ardagerler komandalary arasynda ótedi. «VK Aqtaý» QB týrnır aıasynda Aýǵan soǵysy ardagerleri voleıbolshylarmen birge eske alý sharasyn ótkizýdi josparlap otyr.

Sondaı-aq, 8-10 aqpan kúnderi Atyraý qalasynda D. Qonaevty eske alýǵa arnalǵan voleıboldan jyl saıynǵy halyqaralyq týrnır ótpek.

Gúlaıym ShYNTEMIRQYZY,

«Egemen Qazagstan»

Mańǵystaý oblysy