Ana men balany aıalaý ortalyǵynda 16 jyl ishinde 50 myńǵa jýyq ana men bala emdelip, saýyqtyryldy

Juma, 28 jeltoqsan 2012 7:29

Munda negizinen shalǵaı eldi mekenderde turatyn turmysy tómen, kóp balaly otbasylar úshin arnaıy mamandandyrylǵan medısınalyq kómek kórsetilip júr. Ortalyq «Domalaq ana» esimimen atalady, ári kıeli, áýlıeli oryn – Tekturmastyń tap irgesinde. Sodan da munda emdelýshiler árýaqty babanyń shapaǵaty tıedi degen senimmen keledi.

Juma, 28 jeltoqsan 2012 7:29

Munda negizinen shalǵaı eldi mekenderde turatyn turmysy tómen, kóp balaly otbasylar úshin arnaıy mamandandyrylǵan medısınalyq kómek kórsetilip júr. Ortalyq «Domalaq ana» esimimen atalady, ári kıeli, áýlıeli oryn – Tekturmastyń tap irgesinde. Sodan da munda emdelýshiler árýaqty babanyń shapaǵaty tıedi degen senimmen keledi.

Ortalyq 150 orynǵa laıyq­tal­ǵan. Al, suranys qaı kezde de odan áldeqaıda kóp. Jıyrma kúndik jol­dama aıaǵy aýyr áıelder úshin aý­dandyq, qalalyq densaýlyq saqtaý bólim­deri arqyly jyl basynda-aq bólinip, olar munda jyl boıy kezeń-kezeńimen kelip emdelip qaıtady eken. Ortalyq negizinen memlekettik tapsyrys boıynsha jumys isteıdi. Budan tys aqyly negizde de kelý­shi­lerdi qabyldaıdy. Iаǵnı, bir jylda ortasha eseppen 2550-ge jýyq ana men balanyń janyna daýa bolady. Olardyń bir kúndik emdelý-tynyǵý aqysy úshin qazyna qaltasynan 3869 teńge jumsalady. Bul muqtaj jandarǵa aıryqsha qamqorlyq emeı ne!? Bıylǵy jylǵy sáýir aıynan bastap, emdelýshilerdi qabyldaý júıesi josparly túrde gospıtaldaý bıýrosynyń portaly arqyly júrgizile bastapty.
Ortalyqta qazirgi zaman talaptaryna saı keletin ozyq úlgidegi medısınalyq qondyrǵylar jet­ki­likti. Fızıo-ınterefleksti, man­ýal­di emdeý bólimderi, klınıkalyq zerthanalar jumys isteıdi. Arnaıy qondyrǵy kómegimen de, ottegili kokteıl ishkizý arqyly da aıaǵy aýyr analardyń aǵzasy, qanynyń quramy ottegimen qosymsha baıytylyp otyrady. Bul qursaqtaǵy náresteniń qalypty jetilýi úshin asa tıimdi. Sheteldik qondyrǵy kómegimen, sáýlemen nemese sý astynda ýqalap emdeý, sondaı-aq, «shoń tuzy», túrli ıod eritindileri, basqa da shıpaly qospalarmen baıytylǵan vanna qabyldaý da jaqsy nátıje berip júr.
Emdelýshiler onnan astam em túrimen qamtylady eken. Salamatty ómir saltyn qalyptastyrý isi de keń kólemde nasıhattalynady. Munda kelýshiler (eresekter de, balalar da) dene jattyǵýlarymen shıpajaı aýlasyndaǵy arnaıy oryndarda, júgirý joldarynda, osyndaǵy jaqsy jabdyqtalǵan emdik dene jat­tyǵýlary kabınetinde de (LFK) aınalysa alady. Ári gúlzar mańyn­daǵy ashyq sahnada, demalys bólmesinde konsert tamashalap, túr­li mádenı-kópshilik is-sharalarǵa qatysýyna da, bar kitaphana qyzmetin paıdalaný arqyly densaýlyqqa paıdaly keńestermen oqyp tanysýyna da múmkindikteri mol.
– Bul – elimizdegi birden-bir emdeý-saýyqtyrý orny. Emdeý-saýyqtyrý mekemesiniń tusaýyn 1996 jyly «Bóbek» qorynyń prezıdenti Sara Alpysqyzynyń ózi kelip kesken edi. Sodan beri or­ta­lyqta 50 myńǵa jýyq ana men bala emdelip, densaýlyqtaryn tú­zepti. Qazir munda negizinen júı­kesi aýyratyn, meshel balalar men qan azdyǵy júrek, búırek, ish qu­rylysy jaǵynan syrqatty analar em qabyldaýda, deıdi «Domalaq ana» atyndaǵy ana men balany aıalaý ortalyǵynyń bas dárigeri Gúlnar Ázimqulova.
Gúlnar Moldasanqyzy mun­da­ǵy emdik sharalarynyń tıisti júrgizilýine tikeleı ózi bas-kóz bolyp otyrady. Dárigerler Lıýdmıla Starakojova, Gúlnar Jasqaıratova, Rıta Qıybaeva, Ámirbek Kaýmenov, taǵy basqalary emdelýshilerge emimen de, sózimen de shıpa darytyp, olardyń erteden qara keshke deıin kóńil-kúıleri kóterińki bolýyn basty nazarda ustaýmen keledi. Taraz shaharynyń tabıǵaty eń bir kórkem, aýasy da taza, májnúntaldar kómkergen múıisine ornalasqan, irgesinde tolqyndy Talas ózeni bulyqsı aǵyp jatqan osynaý mekenniń shyn máninde de aımaqtaǵy kómekke muqtaj ana men balanyń densaýlyǵyn nyǵaıtý isine qosyp otyrǵan úlesi qomaqty-aq. Qaıtar kezimizde ortalyqtyń kútimine alynǵan kóńili toq, ýaıymy joq búldirshinderdiń alańda átkenshek teýip, dop oınap, ashyq sahnada ónerlerin ortaǵa salyp máre-sáre bolyp jatqanynyń kýási de boldyq. Balalar munda emdelip-tynyǵyp qana qoımaıdy, bos ýaqyttaryn da kóńildi ótkizedi. Oblysta balalar úshin barlyq jaqsylyq jasalyp otyrǵanynyń ózi nege turady deseńizshi!
Baımahanbet AHMET.
Jambyl oblysy.