EKPA kún tártibinde Parlamenttik Assambleıanyń Grýzııa jáne Armenııadaǵy prezıdent saılaýlaryn baıqaý jónindegi nátıjeleri, Eýropa Keńesi elderinde ádil referendýmdardy ótkizýdiń negizgi qaǵıdattaryn jańartý máseleleri, Parlamenttik Assambleıa men ulttyq parlamentterdiń rólin kúsheıtý, sharıǵat zańdarynyń adam quqyqtary men negizgi erkindikti qorǵaý jónindegi Eýropa konvensııasymen úılesý máseleleri qaraldy. Sessııa aıasynda jalǵan aqparat men úgit-nasıhat júrgizýdegi qoǵamdyq BAQ máseleleri, erkin saılaý sharty retindegi BAQ, sondaı-aq jumyspen qamtý salasyndaǵy alalaý jáne múmkindigi shekteýli adamdardy jumysqa ornalastyrý qajettigi máseleleri boıynsha birlesken pikirsaıys boldy.
Senatorlar Strasbýrgtegi sessııa aıasynda Lıýksembýrg jáne Moldova parlamenttik delegasııalarynyń basshylary G.Graas pen M.Lýpýmen, Bolgarııa delegasııasy tóraǵasynyń orynbasarlary H.Hamıd pen V.Jablıanovpen, Belgııa senatory P.De Sýtter jáne Armenııa Ulttyq jınalysynyń depýtaty O.Igıtıanmen kezdesýler ótkizdi.
