Sport ardageriniń shákirtteri kezinde respýblıkaly, odaqtyq dodalarda atoı salyp, ustazy myqtynyń ustanymy myqty ekenin áıgilegen bolatyn.
15 salmaq boıynsha beldesken 150-ge jýyq jasóspirim balýandar birneshe kún boıy boz kilemniń shańyn shyǵaryp, aqpan aıynda ótetin respýblıka birinshiligine tıesili joldamalardy qanjyǵaǵa baılady.
27 kılo salmaqta petropavldyq Nıkolaı Hramenkov jeńistiń eń bıik tuǵyryna kóterilse, 30 kıloda kentaýlyq Erasyl Musan qarsylas shydatpady. Reseıden kelgen Ilıa Makarov, Vladıslav Malygın óz salmaqtary boıynsha jeńimpaz atandy. Atbasalyq Danıl Elızarovtyń da shoqtyǵy bıik boldy.
Al 2003-2004 jyly týylǵandar arasynda Hamıd Nabıev, Islam Kvloev, Arlan Zeınolla,Esimhan Áshkenov sekildi balǵyn balýandar Qazaqstan birinshiligine joldamany utyp aldy.
Jeńimpazdar dılom, gramotamen marapattalyp, baǵaly syılyqtarǵa ıe boldy.
О́mir ESQALI,
«Egemen Qazaqstan»
Soltústik Qazaqstan oblysy
