Aldaǵy ýaqytta ataýy Jasyl ekonomıka basqarmasy bolyp ózgeretin Tabıǵı resýrstar jáne tabıǵatty paıdalaný basqarmasynyń aýdandyq ákimdiktermen birlesken tekserýleri nátıjesinde 2021 jylǵa deıin uzyndyǵy 400 shaqyrymnan asatyn aryq jelilerin salý men qaıta jaraqtaýǵa baılanysty kóshelerdiń tizimi jasaqtalǵan.
Qazirdiń ózinde megapolıstiń 57 kóshesinde aryq jelilerin salý men rekonstrýksııalaý jumystary bastaldy. Atalǵan shara qalanyń túrli bóliginde jaýyn sýlarynyń taralýyn jaqsartýǵa baǵyttalǵan.
Jalpy sońǵy úsh jyl ishinde Almatyda 300 shaqyrymnan astam aryq jelileri salynyp, qaıta jóndeýden ótken, 9 ózenniń arnasy qalpyna keltirilip, sý tasqyny qaýpi bar ýchaskeler 67-den 12-ge azaıtylǵan. Qarǵaly ózeniniń uzyndyǵy 7,7 shaqyrym bolatyn arnasy bekitildi jáne abattandyryldy. GES1-BAO men Medeý-Shymbulaq shatqaldaryna myqty bekinister ornatyldy.
Almatyda jańadan eki «Aqsaı» jáne «Aıýsaı» sý bógetterin salý josparlanǵan, «Myńjylqy» sý bógetin rekonstrýksııalaý aıaqtalyp qaldy. Ermensaı, Kereńqulaq, Úlken jáne Kishi Qarasý ózenderi, jalpy uzyndyǵy 1,8 shaqyrym bolatyn Esentaı ózeniniń arnalary bekitilip, abattandyryldy.
Elvıra SERIKQYZY,
«Eqemen Qazaqstan»
ALMATY
