Bul maqsatta qazyna qorjynynan jalpy quny 2 mlrd 534 mln 130 myń teńge shamasynda qarajat bólinip otyr. Sondaı-aq, oblystyń aýdan, qala ortalyqtarynda iske asyrylatyn sharalarǵa da 34 mln 130 myń teńge qarastyrylyp, bul qarjyǵa 117 joba júzege aspaq. Sharalar jospary Taldyqorǵan qalasyndaǵy «Rýhanı jańǵyrý» ortalyǵynda talqyǵa túsip, jobalyq keńse arqyly basqarylady.
- Bıyl Jetisý jerindegi «Rýhanı jańǵyrý» baǵdarlamasy aıasyndaǵy jumystar jalǵasady. Byltyr aımaqta «Tárbıe jáne bilim», «Atameken», «Rýhanı qazyna», «Aqparat tolqyny» baǵdarlamalary boıynsha jalpy somasy 9 mlrd teńge bolatyn 323 joba josparlanyp, barlyǵy 4,8 mlrd teńge qarjyǵa 251 joba iske asyryldy. Munan bólek «Týǵan jer» baǵdarlamasy baǵytynda oblystyń kásipker azamattarynyń qoldaýymen 3,8 mlrd teńgege barlyǵy 376 joba jemisti aıaqtaldy, - deıdi Almaty oblysy ákiminiń orynbasary Aqan Ábdýálıev.
Qalmahanbet MUQAMETQALI,
«Egemen Qazaqstan»
Almaty oblysy
