Bıyl «SaryarqaAvtopProm» zaýyty 20 000 mashınany sapqa qoıatyn bolady. Bul ótken jylǵa qaraǵanda 1,6 ese kóp degen sóz. Sondyqtan zaýytqa bilikti mamandar men jumysshylar kerek-aq. Investor jastardy baǵyttaý úshin jergilikti joǵary, orta oqý oryndarynyń basshylarymen, tipti mektep dırektorlarymen kezdesýge daıyn ekenin bildirdi.
«О́tken jyly Qytaıdyń avtomobıl ımporty jáne eksporty jónindegi iri transulttyq kompanııasy SMS (China National Machinery IMP. & EXP. CORP) bizdiń aksıonerimiz bolǵan. Bizdiń aldymyzǵa óndiristik jospar qoıdy, biz endi jyl táýliginde 250 maman alýymyz qajet» deıdi «SayrarqaAvtopProm» JShS dırektorynyń tehnıkalyq damý jónindegi orynbasary Sergeı Mogılatov.
Zaýytta ótken mashına jasaý isine kásibı baǵyttaý forýmy óndiristi jumysshy kúshimen jáne mamandarmen qamtamasyz etý isin talqylady.
«Jastar zamanaýı óndiriste jumys istegisi keledi. Alaıda qazir jastardyń barlyǵy birdeı Qostanaıda osyndaı kásiporynnan kóńilindeginiń bárin tabýyna bolatynyn túsine bermeıdi. Biz ózimizdegi tamasha kásiporynda jastardyń jumys isteýine, bolashaqta laýazymǵa ósýine de múmkindik bar ekenin jetkizýimiz qajet» deıdi Qostanaı oblystyq Kásipodaqtar ortalyǵynyń tóraıymy Ekaterına Smyshlıaeva.
О́ndiris kásiporny qazir oblystaǵy jetekshi oqý oryndarymen stýdentterdi mashına jasaý isine mashyqtandyrý úshin dýaldi oqytý jóninde tyǵyz jumys istep keledi. Aldaǵy ýaqytta zaýyt óńirdegi barlyq oqý oryndarymen baılanys ornatýdy josparlap otyr.
Názıra Járimbet,
Egemen Qazaqstan,
Qostanaı
