Atap aıtqanda, 2017 jyly týrfırmalar tarapynan alaıaqtyq is-áreketterdiń 4 jaǵdaıy tirkelgen. Onnan astam adam 16 mln. teńgeden astam zııanmen jalǵyz-týrfırmalardyń zańsyz is-áreketinen zardap shekti.
Mysaly, 23 jasar kásipker 2017 jylǵy sáýirde Instagram arqyly týrlardy satýdy uıymdastyryp, aldaý jolymen jáne senimdi teris paıdalanyp tórt jábirlenýshige Domınıkan Respýblıkasyna jáne Birikken Arab Ámirligine tómen baǵamen jalpy 4,4 mln. teńge somasyna týrlardy ýáde etken.
Sol jyldyń tamyzynda týrıstik joldamalardy usynyp, 10 mln. teńgeni aldaý jolymen ıemdengen Astanadaǵy týrıstik kompanııa basyshysyn qylmystyq jaýapkershilikke tartý týraly polısııaǵa ótinish kelip tústi.
Sál keıinirek, qazanda astanalyq týrfırmanyń bas dırektory jaýapkershilikke tartyldy. Shetelge týrdy usynyp, er adam aldaý jolymen astananyń 57 jasar turǵynynyń 1 mln. astam teńge somasyn ıemdengen.
Týra sol aıda Chehııaǵa bılet satyp alǵan, kúıeýimen týrfırmany tańdaǵan áıel adam polısııaǵa júgindi. Ushar qarsańynda olarǵa týrfırmada belgili problemalar týyndaǵany habarlandy. Áıel adam olardyń bıletteriniń brony joıylǵanyn ańǵardy. Keıin týrfırmanyń alaıaqtyq is-áreketterinen basqa qurban shekkender de polısııaǵa aryzben júgindi. Dırektor tutqyndaldy.
Sonymen birge, 2018 jyly 200 adam 7 týrfırmanyń jáne olardyń menedjerleriniń alaıaqtyq is-áreketterinen jalpy somasy 137 mln. teńgege jábirlendi.
Atap aıtqanda, shildeniń ózinde týrfırmalar tarapynan alaıaqtyqtyń 4 faktisi tirkeldi.
Mysaly, Almatydaǵy týrıstik kompanııa 30 qazaqstandyqty 19 mln. teńgege aldaǵan. Fırma Túrkııaǵa joldamalardy arzan baǵamen satqan. Zardap shekkenderdiń sózderinshe, olarǵa qonaq úıde bron rastalmaǵannan keıin kúmán týyndaı bastaǵan.
Týra sol aıda Almatyda týrfırmanyń alaıaqtyq is-áreketterinen 10 adam zardap shekken. Shyǵyn somasy 10 mln. teńgeden asty.
47 úndis týrısi Qazaqstanǵa kelmek bolyp, qujattarady resimdeý mindetin alǵan fırmaǵa 5 mln. teńge tólegen. Keıin anyqtalǵandaı, fırma olarǵa vızany resimdemegen bolyp shyqty, aqshany da qaıtarmaǵan.
Basqa jaǵdaı 2018 jylǵy maýsymda Qaraǵandyda oryn aldy. Dem alýǵa usha almaǵan jáne tólenbegen bıletpen qonaq úıde jáne qaryz qolhattarymen qalǵan 18 adam polısııa arqyly týragent dırektoryna izdeý saldy.
Al qyrkúıekte О́skemende 60-tan astam adam týrmkompanııalardyń is-áreketterinen zardap shekti. Dırektorǵa qatysty qylmystyq is qozǵaldy. Keltirilgen shyǵyn somasy 30 mln. teńgeni qurady.
Qazan aıynda 50 adam alaıaq kompanııadan Ońtústik Koreıaǵa týr satyp aldy. Zııan shekkender tıisti aryzdarymen polısııaǵa júgindi. Kelgen shyǵynnyń jalpy somasy – 17 mln. teńge.
Jeltoqsanda Aqtóbede týrfırma menedjeri 56 mln. Teńgeni jymqyryp, qashyp ketken. Sotta ókil habarlaǵandaı, oryn almaǵan demalysta kompanııanń kinási joq. Olardyń menedjeri klıent aqshalarymen qashyp ketken bolyp shyqty. Týrfırmanyń ózi zardap shegýshi jaq bolyp sanalyp, menedjerdi halyqaralyq izdeýge salǵan.
Barlyǵy 2010 jyldan beri jyl saıyn charterlik avıakompanııalardyń problemalaryna ulasyp jaǵdaılar oryn alyp otyrǵan. Osy ýaqyt aralyǵynda 12 myńnan astam adam zardap shekken, al shyǵyn somasy on mıllıon dollardn asyp túsken.
Qzaqstan Respýblıkasy azamattarynyń quqqytaryna kepildik berý júıesi paıda bolǵan sátten bastap shyǵý týrızmi salasyndaǵy júıe basqarýshysy «Týrıstik Qamqor» Korporatıvtik Qor (KQ) ekenin esterińizge salamyz, shetelge demalýǵa shyǵatyn qazaqstandyqtarǵa osy aralyqta 623 myń TÝRKOD berildi.
TÝR-KOD – SIZDIŃ ShETELDEGI QAÝIPSIZDIK DEMALYSYŃYZDYŃ KEPILI
2017 jyldan bastap qazaqstandyq týrısterge shetelge demalysqa týrkodpen shyǵý usynylady. Arnaıy qurylǵan «Týrıstik Qamqor» KQ shetelde keleńsiz jaǵdaıǵa ushyraǵan otandastarǵa elge oralýǵa kómek kórsetý úshin qyzmet etedi. Birinshi kezekte adal emes týrfırmalardyń qyzmetinen zardap shekkenderge qatysty. Sóıtip, Qazaqstan týrısteri týrkod bolǵan kezde tótenshe jaǵdaılarda kepildendirilgen qoldaýǵa ıe bola alady.
Týrıstik kodty týroperatorǵa jarnany (0,5 AEK -1 202 tg. týrıst úshin. Bul somany týrıst úshin týroperator tóleıdi) tólegennen jáne bank kepilin (12 mln. tg men 36 mln. tg aralyǵynda) usynǵannan keıin Qor beredi.
TÝRKOD degen ne? Týrıstik kod 11-13 (shyǵý eline baılanysty) árip-sıfrlyq sımvoldan turady. Ol ár joldamany resimdegen kezde avtomatty túrde beriledi. Bul shıfr ár týrıst úshin biregeı bolyp tabylady. Tótenshe jaǵdaı týyndaǵan jaǵdaıda týrıst Qormen baılanysqa shyǵady, óz týrkodynyń nómirin habarlaıdy jáne aldaǵy 24 saǵat ishinde jedel kómekti kútedi.
«Týrıstik Qamqor» qory 2016 jylǵy 7 qarashadan bastap jumys isteıdi.
