Bul joba Qazaqstan, Belorýs, Reseı qalalaryndaǵy jas ǵalymdardy qoldaýdy kózdeıdi.
Syıaqy kompıýter ǵylymy salasyndaǵy stýdentterge, aspıranttarǵa, ǵylymı jetekshilerge beriledi. Atap aıtsaq, daýys arqyly tabý jáne sıntezdeý, aqparatty izdeý, derekterdi taldaý, mashına jasaý, kompıýterlik kórý, tabıǵı tilderdi óńdeý jáne mashınalyq aýdarmany jetildirýde jetistikke jetkender alady. Iаndeks bul baǵytty kópten beri ustanady. О́z ónimin izdeý, aýdarý, Alıs daýys kómekshisi jáne kólik quraldary syndy birqatar jerlerde qoldanady.
«Bizdiń tehnologııalarymyzdyń negizinde myqty matematıkalyq mektepsiz jáne negizgi ǵylymsyz júzege aspaıtyn dúnıeler jatyr. Syıaqy arqyly kompıýterlik ǵylymmen aınalysatyn jáne bolashaqtyń tehnologııalaryn jasaıtyn zertteýshilerdi qoldaǵymyz keledi. Marapatta Ilıdiń esimi bar, ol aıtarlyqtaı jetistikke jetken jáne IT qoǵamdastyǵyn qoldaý úshin kóp nárse jasady», deıdi «Iаndeks» kompanııalar tobynyń bas dırektory Arkadı Voloj.
Stýdentter men magıstranttar konkýrsqa qatysýǵa ózderi ótinish beredi jáne ǵylymı jetekshilerin usynady. Laýreattardy syıaqyny uıymdastyrǵan keńes pen konkýrstyq komıssııa tańdaıdy. Onyń quramyna Iаndekstiń jáne ǵylymı qoǵamdastyqtyń ókilderi kiredi. Negizgi irikteý krıterııleri: konferensııalarda qorǵaǵan prezentasııalarynyń bolýy, sondaı-aq ǵylymı qaýymdastyqtyń damýyna qosatyn úlesi bolýy shart.
Birinshi marapattaý rásimi 2019 jyldyń sáýirinde ótedi. Konkýrsqa aqpan aıynyń sońyna deıin tirkele alasyz. Laýreat atanǵan stýdentter men magıstranttar 350 myń rýbl syıaqy alady. Sonymen qatar jasandy ıntellekt týraly halyqaralyq konferensııaǵa joldama alady. Sondaı-aq, «Iаndeks» ǵylymı-zertteý bólimine ǵylymı taǵylymdamaǵa shaqyrylady. Ǵylymı jetekshiler de syıaqydan quralaqan qalmaıdy. Olarǵa beriletin syıaqy mólsheri – 700 myń rýbl. Syıaqynyń jalpy qory – 15 mıllıon rýbl.
Kompanııa Qazaqstanda da óz bólimin ashty. Lıseı – mektep oqýshylaryn baǵdarlamalaýǵa úıretetin tegin joba. Lıseı bólimsheleri Almatyda, Astanada, Oralda, Qyzyljarda bar.
