«Sanofı» tańdaǵan úzdikter
Seısenbi, 20 qarasha 2012 7:05
Astanada «Sanofı medısınalyq grantynyń» jeńimpazdary anyqtaldy.
Elimiz Densaýlyq saqtaý mınıstrliginiń qoldaýymen fransýzdyń Sanofı farmasevtıkalyq kompanııasy taǵaıyndaǵan grant úshin báseke osymen úshinshi jyl qatarynan ótkizilip otyr. Bul ıgi sharanyń basty maqsaty – otandyq medısına mamandarynyń ǵylymı-zertteý jobalaryn qoldaý jáne damytý bolyp tabylady. Granttar Qazaqstan Respýblıkasynda júrgizilgen jáne elimizdiń tájirıbelik densaýlyq saqtaý júıesine súbeli úles qosýǵa áleýetti ǵylymı-zertteýler men jobalarǵa beriledi. Bıyl úzdik ǵylymı-zertteý jumystaryn marapattaý úsh negizgi, atap aıtqanda, hırýrgııa, dıabetologııa jáne onkologııa atalymdary boıynsha júzege asyryldy. Ár atalym boıynsha úsh jeńimpaz anyqtaldy.
Seısenbi, 20 qarasha 2012 7:05
Astanada «Sanofı medısınalyq grantynyń» jeńimpazdary anyqtaldy.
Elimiz Densaýlyq saqtaý mınıstrliginiń qoldaýymen fransýzdyń Sanofı farmasevtıkalyq kompanııasy taǵaıyndaǵan grant úshin báseke osymen úshinshi jyl qatarynan ótkizilip otyr. Bul ıgi sharanyń basty maqsaty – otandyq medısına mamandarynyń ǵylymı-zertteý jobalaryn qoldaý jáne damytý bolyp tabylady. Granttar Qazaqstan Respýblıkasynda júrgizilgen jáne elimizdiń tájirıbelik densaýlyq saqtaý júıesine súbeli úles qosýǵa áleýetti ǵylymı-zertteýler men jobalarǵa beriledi. Bıyl úzdik ǵylymı-zertteý jumystaryn marapattaý úsh negizgi, atap aıtqanda, hırýrgııa, dıabetologııa jáne onkologııa atalymdary boıynsha júzege asyryldy. Ár atalym boıynsha úsh jeńimpaz anyqtaldy.
Bıylǵy baıqaýǵa barlyǵy 35, onyń ishinde onkologııa salasy boıynsha – 12, hırýrgııadan – 17, dıabetologııa salasynan – 6 jumys jiberildi.
Uıymdastyrýshylardyń aıtýynsha, bıylǵy ǵylymı jumystar joǵary sapasymen jáne ózektiligimen erekshelendi.
– Farmasevtıkalyq kompanııalarmen jumys isteıtin maman retinde, elimizdiń densaýlyq saqtaý salasyn damytýǵa baǵyttalǵan barlyq sharalarǵa belsene qatysqany jáne oqytý semınarlaryn ótkizý arqyly úlken jumystar atqarǵany úshin «Sanofı» kompanııasyn erekshe atap ótkim keledi, – deıdi Ulttyq ǵylymı akademııasynyń akademıgi, Memlekettik syılyqtyń laýreaty Raısa Kúzdenbaeva.
– Kompanııanyń óz qyzmetinde joǵary etıkalyq standarttar men halyqaralyq tájirıbeni negizge ala otyryp, turǵyndardyń densaýlyǵyn nyǵaıtýǵa umtylys tanytýy qýanarlyq jaıt.
«Sanofı» kompanııasynyń Orta Azııadaǵy bas dırektory Haısam Shraıte «Sanofı» jarııalaǵan baıqaýdyń áleýmettik-jaýapty seriktes retinde densaýlyq saqtaý júıesin jaqsartýǵa baǵyttalǵan Qazaqstan Respýblıkasy Densaýlyq saqtaý mınıstrliginiń baǵdarlamalaryna qatysýdy, medısına salasyndaǵy ǵylymı-zertteý jumystaryna degen qyzyǵýshylyqty arttyrý jáne talantty qazaqstandyq ǵalymdardy qoldaýdy kózdeıtinin aıtqan.
«Medısınalyq grant» baǵdarlamasyn úshinshi márte sátti júzege asyrý bul baıqaýdyń mańyzdylyǵyn, qajettiligin jáne ýaqytynda qolǵa alynǵan is ekenin dáleldeıdi», – dedi ol.
«Canofı» álemdegi kóshbasshy farmasevtıkalyq toptyń biri jáne ol álemniń júzden asa eline taraǵan. «Sanofı» maqsaty – densaýlyq salasyndaǵy ózekti máselelerdi sheshý jáne onkologııa men sýsamyr syndy áleýmettik-mańyzdy salalardaǵy negizgi terapevtik sheshimderge qoljetimdilikti qamtamasyz etý. Medısına salasyndaǵy joǵarǵy sapa men turaqty serpindi zertteýler syndy qundylyqtar ınnovasııalyq uıymnyń baı tarıhyndaǵy negizgi qozǵaýshy kúsh bolyp tabylady. «Sanofı» álemdik kóshbasshy qatarynan oryn alǵanyna qaramastan, onyń strategııasy jergilikti medısınalyq qajettilikterdi qanaǵattandyrý men jergilikti emdelýshilerge kerekti tıimdi sheshimderdi jetkizýdegi naqty aımaqtarǵa baǵyttalǵan. «Sanofı» maqsaty tek sapaly emdelýge qol jetkizý ǵana emes, sondaı-aq densaýlyq saqtaý salasyndaǵy kásibı mamandardy qoldaý.
«Sanofı» kompanııasynyń toby elimizde 15 jyldan astam ýaqyt jumys istep keledi. Onda 160-tan astam adam eńbek etýde. «Sanofı» elimizge emdeýdiń ınnovasııalyq ádisterin, sondaı-aq, sapaly dári-dármek pen densaýlyq saqtaýǵa arnalǵan tutynýshylyq ónimderdi, barsha turǵyndarǵa qaýipsiz, tıimdi, ınnovasııalyq jáne qoljetimdi sheshimderdi usynady.
Sonymen «Sanofıdiń» bıylǵy baıqaýynda kimderdiń juldyzy jandy. Onkologııa atalymynda birinshi orynǵa S.Asfendııarov atyndaǵy Qazaq ulttyq medısına ýnıversıtetiniń ókili, medısına ǵylymdarynyń doktory, professor Ý.Jumashev laıyqty dep tanyldy. Ol baıqaýǵa «Qazaqstan Respýblıkasyndaǵy balalar onkologııasynyń problemalary» dep atalatyn eńbegin usynǵan bolatyn. Hırýrgııa atalymynda Qazaqstan Respýblıkasynyń Ulttyq ǵylymı medısınalyq ortalyǵynyń dárigeri S.Imanqulov jeńimpaz atandy. Al dıabetologııa atalymynda birinshi oryn Almaty memlekettik dárigerler biliktiligin arttyrý ınstıtýtynyń endokrınologııa kafedrasynyń ǵalymdary A.Dosanovaǵa, R.Bazarbekovaǵa, M.Zelserge jáne Sh.Ábýbákirovaǵa berildi.
«Egemen-aqparat».
Sýrette: hırýrgııa salasy boıynsha jeńimpaz, medısına ǵylymdarynyń doktory, professor S.Imanqulov.
