Sıfrlyq ekonomıkany transformasııalaý jónindegi keńesshi, Malaızııa sıfrlyq ekonomıka korporasııasynyń burynǵy bas dırektory Iаsmın Mahmýd, óz kezeginde, ınnovasııalyq ekojúıe jahandyq deńgeıge jetkenin jáne endigi mindet ekojúıeniń jumyspen qamtylý deńgeıin qalaı jaqsartatynyn, qansha qazaqstandyq startaptar óńirlik, tıisinshe, jahandyq deńgeıde tanyla alatynyn oılastyrý qajet ekenin aıtyp ótti.
Sonymen qatar, Tlabs bas dırektory, Singularity University ekonomıka jáne qarjy fakýltetiniń dekany Amın Týfanı jumyspen qamtý salasyna sıfrlandyrýdyń tıgizer paıdasy týraly aıtyp berdi. Onyń aıtýynsha, kóptegen dástúrli mamandyqtar ózektiligin joǵaltyp jatyr — adamdar qaıta mamandanýy kerek, onyń ishinde sıfrlandyrý baǵytynda biliktilik alýy qajet. A. Týfanı Facebook, Amazon, Alibaba sekildi platformalardyń qyzmetteri bastapqy kezde durys baǵalanbaǵanyn, al qazirgi kezde múldem basqa kóriniske ıe ekenin atap ótti.
«Internet múmkindikteri kitaphana isin qalaı ózgertti? Respondentterdiń daıyndyǵy burynǵyǵa qaraǵanda áldeqaıda joǵary ekenin aıtamyz. Osylaısha, ekojúıe, eń aldymen, adamdar úshin óte mańyzdy, osy ekojúıeniń naqty bir adamǵa, naqty bir azamatqa qandaı paıda ákeletinin oılaný kerek. Innovasııalar týraly oılaǵan kezde, bul ınnovasııanyń adamdarǵa qalaı áser etetinin oılastyrý kerek», — dedi Amın Týfanı.
Belarýs sáıkestendirý júıeleri ortalyǵynyń dırektory, Eýrazııa ekonomıkalyq komıssııasynyń Úılestirý keńesiniń múshesi Vıktor Dravısa eger osyǵan deıin ótken forým nusqaýshy sıpatta bolsa, bıylǵy forým EAEO elderiniń jáne tıisti organdarynyń deńgeıinde rastalǵan sıfrlyq bastamalardyń basymdyqtaryn aıqyndaıtynyn atap ótti. Úkimetter basshylary deńgeıindegi kún tártibindegi máselelerdiń biri — osy bastamalardy iske asyrý tetikteri bolady.
«Byltyr Almatyda ótken forýmda elderimizdiń basshylyǵy maquldaǵan sıfrlyq kún tártibi boıynsha naqty sheshimderdi qalyptastyrý máselelerin talqylaımyz. Eń aldymen iske asyrylýy tıis tásilder men basymdyqtar ázirlendi jáne osylaısha biz kún tártibinde atalǵan basymdyqtardy iske asyrý tetikterin talqylaımyz», — dep V. Dravısa, jobalardy iske asyrý úshin biryńǵaı tehnologııalyq platforma nemese biryńǵaı ekojúıe bazasynda elder arasyndaǵy konsorsıým qurý josparlanyp otyrǵanyn atap ótti. Olar elderdiń ereksheligin eskeretin bolady.
Budan ózge, sarapshy taýarlardyń biryńǵaı naryǵy jaǵdaıynda shaǵyn jáne orta bıznes úshin biryńǵaı platforma qurý qajettigin atap ótti. Basqasha aıtqanda — shyǵarylatyn taýarlardy kórsete otyryp, kásiporyndar úshin biryńǵaı katalog jasaý. Derekter ishki jáne syrtqy naryqtarda qoljetimdi bolady. Osylaısha, Odaq elderinde qandaı ónimder shyǵarylatyny túsinikti bolady.
«Bizdiń ekonomıkalarymyz – ashyq, sondyqtan da taýarlardyń sıpattamalaryn úılestirý kerek. Bul maqsatta osy turǵydan ózara is-qımyldyń barlyq shemalaryn rettep, qandaı da bir qyzmetter usynylatyn aqparattyq resýrstardy kóbeıtý kerek», — dedi V. Dravısa.
Sarapshy EAEO-nyń biryńǵaı sıfrlyq kún tártibin iske asyrýdyń boljamdy nátıjelerine toqtala otyryp, shaǵyn jáne orta uıymdar qosymsha shyǵyndarsyz, ózderiniń jeke AT-ortasyn qurmaı-aq halyqaralyq ekojúıege qosylyp, «shekarasyz bıznes» qaǵıdaty boıynsha jumys isteı alatynyn aıtty.
