«Búgingi kúni obektıvti ári ashyq irikteý ótkizý úshin barlyq jaǵdaı jasalǵan. Mysaly, ótken jyly memlekettik ákimshilik laýazymdarǵa ornalasýǵa ótken konkýrstarda 26 myńnan astam (26608) jas úmitker qatysty. Olardyń ishinde 10,5 myńnan astamy (10732) túrli memlekettik laýazymdarǵa taǵaıyndaldy», - dedi J. Tileýkenov.
Onyń aıtýynsha, bir jarym myńnan astam jas maman memlekettik qyzmette túrli basqarýshy laýazymdarda jumys jasaýda. Mysalǵa, 2370 aýyldyq okrýg ákimderiniń 94-i - 29 jasqa deıingi azamattar.
Sonymen qatar, qyzmetkerdiń sińirgen eńbegine negizdelgen kezeń-kezeńmen mansaptyq ósý qamtamasyz etilýde. О́tken jyly ishki konkýrstarǵa qatysý arqyly 7 myńǵa jýyq jas qyzmetker laýazymyn joǵarlatqan.
«Qolyna dıplom alǵan 22 jasar jas maman ózi úshin memlekettik qyzmet pen jeke sektor arasynda sheshýshi tańdaý jasaýy tıis. Budan ári ol tańdaǵan baǵyttan burmaı, ishteı damyp, mansaptyq saty arqyly ret-retimen kóteriledi», - dep túıindedi.
