Áńgime barysynda ekijaqty jáne kópjaqty alańdarda Qazaqstan-Ámirlikter qarym-qatynastarynyń keń aýqymdy máseleleri talqylandy. Syrtqy ister mınıstrleri aldaǵy 2019 jyly ótetin joǵary deńgeıdegi is-sharalar josparyn, onyń ishinde Abý-Dabı qalasynda ótetin Islam yntymaqtastyǵy uıymy Mınıstrler Keńesiniń 46-sessııasyna Qazaqstannyń qatysýyn talqylady.
Negizgi máselelerdiń biri saýda-ekonomıkalyq jáne ınvestısııalyq yntymaqtastyqty keńeıtý boldy. Qazaqstan men Birikken Arab Ámirlikteri arasyndaǵy ekonomıkalyq qatynastardy nyǵaıtýdyń mańyzdy quraly - Qazaqstan-BAÁ Saýda-ekonomıkalyq yntymaqtastyq jónindegi úkimetaralyq komıssııasy bolyp tabylady, onyń 7-shi otyrysy aǵymdaǵy jyldyń mamyr aıynda Astanada ótýi josparlanýda. Taraptar saýda-ekonomıkalyq qatynastardyń joǵary deńgeıine jáne Qazaqstan men BAÁ arasyndaǵy ınvestısııanyń ósýine qanaǵattanýyn bildirdi.
B. Atamqulov QR Syrtqy ister mınıstrliginiń ınvestısııalardy tartý jáne eksportty yntalandyrý boıynsha jańa fýnksııalarynyń kontekstinde ekijaqty ekonomıkalyq yntymaqtastyq odan ári keńeıe túsetinine senim bildirdi.
BAÁ Syrtqy ister mınıstri Ámirlikter 2022-2023 jyldarǵa BUU Qaýipsizdik Keńesine turaqty emes múshesi retinde óz kandıdatýrasyn usynǵanyn málimdedi. Osyǵan baılanysty sheıh Abdalla bedeldi halyqaralyq uıymdaǵy Qazaqstannyń tájirıbesine qyzyǵýshylyq tanytty.
